WEG, MY ‘GESONDE’ GELIEFDE
SOOS ’n ou getroude paar het hulle vroeër die aand vasgesit – oor of hul twee honde maar by hulle op die bed mag slaap of nie.
Hobbes is groot. Hy weeg amper 50 kg, en hy lê jou vas. Jy kan nie beweeg nie,” vertel die aktrise Sandi Schultz oor haar besware daarteen dat die boerboel hom snags op haar en haar man, Laszlo Bene, se dubbelbed tuismaak.
Teen slaaptyd daardie aand het Hobbes reeds met sy groot hondelyf uitgestrek op die bed vir haar lê en loer. Sy het hom daar probeer afkry, maar hy wou nie roer nie. En ’n rukkie later was dit dieselfde gesukkel met hul ander ewe gemaksugtige boerboel, Zee.
“Dit gaan nie so maklik wees nie,” het Laszlo gelag en Sandi se aandspeletjie met die honde met sy selfoon se kamera vasgevang.
Min het hulle geweet dit sou die laaste video wees wat hy van sy vrou sou neem die slottoneel van ’n liefdesverhaal wat 16 jaar gelede op ’n rolprentstel in Los Angeles begin het.
Want die samesyn van die inperking was die einde van hul lewe saam.
Vroeg die volgende oggend het Laszlo (58) tydens ’n fietsrit saam met
