TWEE IN EEN

DIS asof jy dubbeld sien. Ja, die twee karakters in die kykNET-sepie Suidooster praat verskillend, en hul lyftaal verskil. Maar jy twyfel nie een oomblik dat die moeilikheidmaker Greg Williams wel die ambisieuse eiendomsagent Donovan se tweelingbroer is nie. En g’n wonder nie – dis een en dieselfde akteur wat lewe in die twee karakters blaas.

Dit was vir hom ’n unieke uitdaging om die tweeling te speel, sê die akteur Marvin-Lee Beukes (35) toe ons hom by Atlantic Film Studios in Kaapstad ontmoet waar die sepie verfilm word. “Die werk is baie moeiliker as wat ek verwag het dit gaan wees. Dit vat so ’n bietjie meer uit my uit as wat ek gedink het dit sou,” vertel