SAAM OM ’N lang tafel
Pasta met suurlemoenen-basiliepesto
Die fotograaf Greg Cox het my bekend gestel aan Pasta Grannies op Youtube, ’n reeks deur regte oumas agter die kospotte. Dié sonskynpesto is geïnspireer deur nonna Maria se wenresep.
Genoeg vir 6 Voorbereiding: 20 minute Gaarmaaktyd: 8 minute
• 400g spaghetti
• 1 blik (390g) artisjokharte, gedreineer
PESTO
• 1 vars suurlemoen
• 1 knoffelhuisie
• 40g (halwe pakkie) platblaarpietersielie
• 10g vars mentblare
• 80g (1 pakkie) basilieblare
• 100g geroosterde okkerneute, grofgekap
• 500ml gerasperde parmesaankaas
• sowat 50ml olyfolie
• sout na smaak
1 Maak die pesto Gebruik ’n groenteskiller en skil die suurlemoen in lang dun repe af met so min moontlik van die bitter wit dele; druk 60ml suurlemoensap uit. Sit die skil saam met die kruie, helfte van die neute en ¾ van die kaas in ’n voedselverwerker. Voeg die olie en suurlemoensap na smaak in ’n dun straaltjie by en verwerk tot ’n stywe pesto. Proe, geur na smaak met sout en hou eenkant. Nonna Maria gebruik die sap en skil van 2 suurlemoene, maar dit was te skerp na my smaak. Oordeel self of jy meer wil byvoeg.
2 Kook die pasta in soutwater tot al dente (gewoonlik 8 minute). Skep so ’n bietjie van die warm pastawater by die pesto en pols weer tot dit glad en loperig genoeg is om die pastalinte te bedek, maar pasop vir waterig!
3 Dreineer die pasta en meng dadelik met die warm pesto. Roer deur en skep in borde. Sny die artisjokharte in kwarte en verdeel dit tussen die pastabakkies saam met die orige parmesaankaas, varsgemaalde swartpeper en neute. ’n Paar vars kruieblaartjies lyk altyd mooi (ons het blou komkommerkruidblommetjies gebruik).
Amandel-en-klapperkoekies
Hierdie smelt-in-die-mond-koekies is glutenvry en perfek ná ete saam met
You’re reading a preview, subscribe to read more.
Start your free 30 days