BELANGRIKE MINERALE VIR ’N GESONDE LIGGAAM

DIS een van daardie goed wat ’n mens gereeld in gesondheidsartikels raaklees: Maak seker jy kry genoeg minerale in. Ons weet dis goed vir ons, maar wat minerale in ons liggaam doen – en waar ons dit moet kry – klink ingewikkeld. Dié voedingstowwe kom natuurlik in die aarde voor in die vorm van mineraalsoute.

Plante neem die mineraalsoute deur hul wortels op, en ons kry dié minerale dan in wanneer ons plantkosse eet, of byvoorbeeld ook die vleis, eiers en melkprodukte van plantvretende diere.

Minerale is noodsaaklik vir ons gesondheid. Dit help om ’n balans van vloeistowwe in die liggaam te handhaaf en speel ’n sleutelrol by die vorming van been en bloed, gesonde senuweefunksie en die gesondheid en werking van spiere