’N DOGTER – SO BLITS- VINNIG
SY IS lankal gereed om ma te word. Twee jaar gelede het sy al vir haar destydse sitrusboer-kêrel gesê hulle sal moet opskud, want sy wil babas hê.
En net so reguit is Rox-Zee Veldhuizen vandag toe sy vertel die baba wat sy en haar nuwe kêrel verwag, was beplan.
“Dit was nie ’n oepsie nie,” sê sy. “Dit is wat ons wou hê.”
Vir die blondine wat kykers in die 11de seisoen van Boer soek ’n vrou leer ken het, was dit verlede November liefde met die eerste afspraak toe sy en James Weyer (24), ’n sakeman van KwaZulu-Natal, mekaar ontmoet het.
So hoog het die liefdesvlam gebrand dat hulle gou besluit het om met ’n gesin te begin, en ná ’n blitsromanse van net vier maande was sy swanger.
“Ek is baie bly James is die pa,” sê Rox-Zee (30). “Dit is nogal ’n vreesaanjaende gedagte om ’n kind by die verkeerde mens te kry.”
“Oe, nee,” gesels sy. “Ek kan my dit nie indink nie.”
In James, glo sy, het sy die ideale maat gevind. “Hy is altyd dieselfde en nooit buierig nie. Hy ondersteun my en weet hoe om my te hanteer, want ek kan vurig
