DIE WÁRE GESIG VAN COVID
SY ONTHOU nog almal se gesigte: die jong onderwyseres van Brits wat die eerste covidpasiënt in haar hospitaal geword het; die egpare wat saam om hul lewe geveg het … Almal met dieselfde vrees in hul oë, en pype in hul keel om kosbare suurstof na hul longe te pomp.
Prof. Leonie Scholtz, ’n radioloog van Pretoria, het haar soos ander gesondheidsorgwerkers midde-in ’n oorlog bevind – en die slagoffers het net aanhou instroom. Sy het gesien hoe die gesig van die dodelike pandemie verander: Die siekes en dooies van die eerste golf was ouer mense, maar die tweede en derde golf het ook onder jonger mense gemaai.
Leonie (64) het gevoel iets moet gedoen word om die ware verwoestingswerk van
