EK WAS TRETCHI SE MODEL VIR DÁÁI SKILDERY
HULLE het daardie dag saam ’n stemmige koppie tee in haar woonstel in Kaapstad gedrink. Sy was ’n doodgewone meisie van Grabouw; hy ’n flambojante Russiese skilder wat hier kom nesskop het.
“Ek het nog tuisgebakte rolkoek voorgesit. Dit was vir my ’n baie spesiale oomblik om hierdie wêreldberoemde skilder in my teenwoordigheid te hê,” onthou sy.
Dan verklap sy: “En terwyl ons tee drink, vra hy my uit die bloute of ek my borste sal ontbloot … ”
Sy het byna aan haar Earl Grey verstik, vertel Brenda van der Westhuizen vandag. Maar skaars twee dae later het dié skilder, Vladimir Tretchikoff, sy voorbrandwerk vir sy skildery hervat. En toe sy haar weer kom kry, lê die welgeskape jong Brenda met die vlamrooi hare
