TOT SIENS, REITZ. HALLO, WÊRELD

DIT was asof hy nie meer geweet het wie hy is nie. Vyf jaar lank moes die Getroud met rugby akteur Sean van Noordwyk elke dag in die skoene van die rugbyspeler Reitz Bekker klim. Sy transformasie om dié Strydersspeler te vertolk, was nes ’n ligskakelaar, sê Sean. Op stel het hy anders gepraat, dieper as gewoonweg. Hy was bewus van sy handgebare en selfs sy lyftaal – alles om die rol van ’n breker van ’n rugbyspeler geloofwaardig uit te beeld.

“Dit was asof ek ’n heel nuwe mens geword het. My ouers wou in een stadium by my weet: ‘Wie is hierdie kind? Ons herken hom nie!’ ” vertel Sean (26) laggend oor ’n gesprek met