TROTSEER DIE STORMS
ASKLEIN dogtertjie was sy reeds mal oor die manier waarop die weer jou asem kan wegslaan. Die rammelende donderstorms van Noordwes waar sy grootgeword het, het haar gefassineer.
“Toe ek die fliek Twister kyk, het ek geweet wat ek eendag wil doen,” vertel die voormalige eNCA-weeraanbieder Anika de Beer (29). “Ek wou storms jag.”
Min het die borrelende donkerkop geweet dat sy voor die ouderdom van 30 reeds ’n paar van haar eie lewenstorms sou moes trotseer.
Eers het sy deel geword van Suid-Afrika se genadelose afleggingstatistieke toe sy haar werk as weeraanbieder verloor het, en toe stap haar man, Abri (29), ’n datawetenskaplike, dieselfde pad.
En toe kom die onverwagse
