OP REIS MET SY EMMERSKOPLYS
OP SY broer se begrafnis was dit duidelik Royd Tolkien is senuweeagtig en gebroke. Maar net toe hy regmaak om’n toespraak oor sy broer, Mike, te lewer, gebeur iets wat die familie en vriende van skok laat verstar het.
Dit was asof dit in stadige aksie gebeur: Op pad vorentoe het Royd gestruikel en sy kop teen die verhoog gestamp.
n Ongemaklike stilte het’n paar oomblikke lank geheers. Toe haas’n vriend nader om te help. Maar Royd – die agterkleinseun van die skrywer van The Hobbit, J.R.R. Tolkien – het vinnig herstel, opgestaan, agter die preekstoel gaan staan en sy hand in sy sak gesteek. Op die stuk papier wat hy uitgehaal en omhoog gehou het, was geskryf: “Struikel en val
Om op sy begrafnis te struikel was die eerste taak op’n emmerskoplys van 50 items wat Mike, wat op 39 dood is, vir Royd gegee het.
Die tydsberekening was perfek.
“Ek het opgekyk en almal het oogkontak vermy en gewonder wat om te doen. Maar toe haal ek die stuk papier uit, en dit was so’n verligting – en’n gevoel van: ‘O, dis tipies Mike…’
“Maar dit was iets moois. Dit was nie om my soos’n idioot te laat lyk nie – wel, dalk’n bietjie – maar hy het geweet dit sou vir almal daar’n verskriklike situasie wees en dat dit die ys sou breek.”
Die emmerskoplys is oor’n paar jaar saamgestel terwyl Mike ál sieker geword het aan motorneuronsiekte (MNS), die dodelike
You’re reading a preview, subscribe to read more.
Start your free 30 days