MY PYN EN LYDING AS ‘DIE ANDER VROU’
DIT is geen vrou se droom om op ’n dag “die ander vrou” in ’n getroude man se lewe te word nie. Sy bou nie van jongs af anderste lugkastele en verbeel haar dat sy eendag iemand se geheime minnares gaan wees nie.
Nee, soos almal droom sy ook van ’n groot maar gewone liefde. Sy lê ook met haar rug op die gras, kyk op na die wolke en sien hoe die man van haar drome voor die kansel vir haar wag. En daarna is hulle vir ewig gelukkig saam.
Maar drome word nie altyd waar nie, en die lewe maak soms wilde en onverwagte draaie met ’n mens. Soos met ’n leser van Gauteng wat nou bitter spyt is oor haar twee jaar lange verhouding met ’n getroude man.
