IVERMEKTIEN: WONDERMIDDEL OF DWAALDOEPA?
DIS die doepa waaroor die ganse land gons: Ivermektien.
In die landbou word dit al jare lank gebruik om parasiete in diere dood te maak, maar uit desperaatheid vir ’n “wondermiddel” teen die covid-19-virussiekte wend soveel mense hulle nou tot dié veemedisyne dat dit selfs in die sluikhandel verkwansel word.
Die stormloop vir Ivermektien deur mense wat hulself daarmee behandel, het ook ’n ander krisis veroorsaak, want noudat dit van die koöperasies se rakke vlieg, sukkel boere om dit vir hul vee in die hande te kry, vertel Christo van der Rheede, hoof van Agri SA.
Maar is dié middel veilig vir menslike gebruik – en kan dit help om die coronavirus te stuit?
Die mediese en wetenskaplike wêreld is nog diep verdeeld oor die doeltreffendheid van dié beweerde wondermiddel.
Onder die internasionale voorstanders vir
