ALLEEN & HARTSEER
Dit kan verwoestend wees om jou lewensmaat te verloor. Dis ’n onbeskryflike seer wat jou lewe omverwerp en in ’n oogknip heeltemal verander.
Verhoudings en huwelike eindig elke dag wanneer een of albei partye besluit hulle sien nie meer kans nie, maar die dood is finaal en dis ’n einde wat nie een van julle gekies het nie. En in hierdie tye het so baie mense hul wederhelftes verloor aan die hand van die onsigbare vyand, Covid-19…
Die een dag was jy nog gelukkig getroud en deel van ’n paartjie, die volgende is jy skielik alleen, enkellopend en in rou gedompel sonder dat jy daarvoor gevra of dit gekies het. Wanneer ’n ouer lewensmaat sterf van ’n paartjie wat al dekades saam was, het ’n mens darem
