HÝ KIES KALMTE
Van die oomblik wat sy oë soggens douvoordag oopgaan tot wanneer dit laataand sluit, is dit Covid, Covid en nogmaals Covid. Maar anders as die res van ons wat kan ophou nuus lees of luister as ons genoeg gehad het van die dodelike virus, bestaan daardie opsie nie vir dr. Keith Cloete (56) van Kaapstad nie.
Hy is nie net nóg ’n vegter op die front line in die stryd teen die virus nie. In die Wes-Kaap is hy aan die stuur en die man wat die lyn moet handhaaf en moet sorg dat die provinsie deur dié donker nag kom.
Dít beteken dis sy werk om al die besluite te neem oor hoe die Wes-Kaapse gesondheidsdepartement die pandemie moet hanteer, van PPE (personal protective equipment) tot hoe om
