MENINGS OOR STORIES OP HUISGENOOT.COM
1 ‘STUKKIE VAN 1 JOOST IS TUIS’
Joost van der Westhuizen se ouers, Gustav en Mariana, was ontroer nadat ’n vrou die stewels van sy laaste rugbywedstryd op veiling gekoop en aan hulle gegee het
Wat ’n besonderse gebaar! Ek dink ook as Joost se laaste paar stewels na iemand anders moes gaan, moes dit heel eerste na sy ouers gegaan het.
YOLLIE
Hy was ’n bron van inspirasie. Dankie vir die gebaar van liefde. Net ’n ouer sal verstaan wat dit beteken: ’n Deel van hul seun wat hulle elke dag so trots gemaak het.
LAUREN
Dit het niks met enigiemand te doen wat Amor met Joost se goed maak nie. Het julle al gedink waardeur hy haar gesit het voor hy siek geword het?
MIENKIE
Dis ’n wen-situasie. Jordan is bly. Die gehoorgestremdes vind baat by die geld. Die mense wat die bod gewen het, is gelukkig. Joost se ouers is gelukkig.
