MY 2DE KANS NÁ ROOFTOG
WEG is die verbande wat so lank om sy regterarm gedraai was. Ook van die suisende wonddreineringsapparaat wat die skietwonde aan sy maag en bors moes skoonhou, is daar geen teken nie.
Byna twee jaar gelede het Naka Drotské ons nog half mank by sy rooibaksteenhuis in Bloemfontein ingewag en moes hy met sy linkerhand – sy niedominante hand – groet.
Dit was kort nadat die oud-Springbokhaker se regterelmboog tydens ’n gewapende rooftog versplinter en hy tydelik die gebruik van dié hand verloor het, en byna ook sy lewe.
Vandag kan hy ons weer met ’n ferm druk van sy regterhand groet. “Ek praat nie sommer ligtelik van ’n wonderwerk nie,” sê Naka (49) en maak hom gemaklik op ’n
