GESELS SAAM
MENINGS OOR STORIES OP HUISGENOOT.COM
1 ‘EK’S KWAAD, MAAR EK BLY LIEF VIR HAAR’
Die ma van Tharina Human, ’n onderwyseres wat tronk toe is weens die ontvoering van ’n skoolmeisie, deel haar pyn oor haar dogter se misdaad
Ek voel jammer vir haar ma en familie. Wat haar dogter gedoen het, is verkeerd, en nou sal sy haar straf uitdien. Kom ons hou dus nou op met klippe gooi. WILNA
Haar arme ma. Maar ek is jammer om te sê, ek voel vere vir haar dogter. Ek is ook ’n ma en beslis nie perfek nie, maar wat haar dogter gedoen het, was gewetenloos. BERNA
Iemand het gesê: As ’n kind klein is, trap hy op ’n ma se skoot. En as hy groot is, trap hy op jou hart. Dis hartseer dat ouers moet swaarkry vir dít wat hul kinders doen. MARIA
Het sy nie omgegee hoe bang die arme kind was nie? Hoe doen jy dit aan ’n onskuldige, weerlose kind?
