As die reisgode vir jou glimlag
Die familie was almal in ’n toestand. Wat gaan van die kind word, het hulle gewonder. Sy moet dadelik terugkom huis toe, het die hele familie gereken, want dis beter om in jou eie land te wees met só ’n pandemie.
Maar dié kind wou niks weet nie . . .
Pas nadat Anzel van Niekerk van Rand-burg haar BA, LLB en LLM aan die Universiteit van Johannesburg voltooi het, was sy opgewonde om vir vier maande as uitruilstudent in internasionale reg na Olomouc in die Tsjeggiese Republiek te vertrek.
Sy vertel haar verhaal:
“Ek was nog nooit in Europa nie en dit het my opgewonde gemaak.
“Einde Februarie is ek gereed om te vertrek, min wetende dat korona ander planne met my en die hele wêreld het.
“Die afskeid was ook nie soos ek gedink het,
