DIÉ STASIE RUK
Een ding wattie twee issie – local is maar nou eenmaal lekker!
Dít is die eerste gedagte wat by ’n mens opkom wanneer jy na die aanlynradiostasie Radio Eersteriver luister. Dié stasie in Eersterivier in die noordelike voorstede van Kaapstad, is geskep om aan plaaslike talent die geleentheid te bied om hul musiek ten toon te stel wat gewoonlik nie deur groot stasies gespeel word nie.
Die stigter en skepper van die stasie, Joshua Kinnear (39), is gebore en getoë in Eersterivier, en hy kon nie aan ’n beter manier dink as ’n radiostasie om terug te ploeg in sy gemeenskap en die toekoms van opkomende kunstenaars nie.
Dit is ’n baie beskeie, maar tog trotse Joshua wat vertel
