HOENDER 10 X MAKLIK
BRUIN HOENDER MET AARTAPPELS
Dit bly my gunstelingmanier van hoender geniet, soos my ma dit gemaak het! Eenvoudig en sonder tierlantyntjies.
genoeg vir 4
1 groot hoender
30 ml olyfolie
60 ml botter
1 ui, fyngekap
2 takkies roosmaryn, fyngekap
600 g-sak baba-aartappels, gehalveer
500 ml beesaftreksel
sout en varsgemaalde swartpeper
Verhit oond tot 180 °C. Gebruik kombuisskêr en knip rugbeen van hoender los. Draai hoender om en druk plat met handpalms. Verhit groot oondvaste braaipan oor hoë hitte tot warm. Voeg olyfolie, botter, uie en roosmaryn by. Plaas hoender met velkant na onder in pan en braai vir paar minute tot die vel goudbruin is. Haal hoender uit pan en gooi aartappels in pan. Plaas hoender met velkant na bo bo-op aartappels. Voeg aftreksel by. Geur goed met sout en peper. Maak pan toe met foelie en plaas in warm oond. Rooster
