Gebraaide hoender met spinasie en bone
Dié gereg lyk indrukwekkend, maar is eintlik baie maklik om te maak. Ek gebruik ook soms kekerertjies pleks van bone.
genoeg vir 4
30 ml olyfolie
8 hoenderdye
2 knoffelhuisies, gekap
3 takkies origanum, fyngekap
gerasperde skil van 2 suurlemoene
25 ml Engelse mosterd
200 g-sak spinasie
410 g-blik bone van jou keuse, gedreineer
250 ml room
125 ml hoenderaftreksel
sout en varsgemaalde swartpeper
gerasperde parmesaankaas vir voorsit
Verhit braaipan oor hoë hitte tot warm. Voeg olie by en plaas dye velkant na onder in pan. Braai 5-8 minute of tot vel mooi goudbruin is. Haal uit pan en hou eenkant. Gebruik dieselfde pan en voeg knoffel, origanum, suurlemoenskil, mosterd en spinasie by. Roerbraai tot spinasie begin verwelk. Voeg bone, room en aftreksel by en meng deur. Plaas gebraaide hoenderstukke terug in room en maak pan toe. Verlaag hitte en laat stadig prut vir 10-15 minute of tot hoender sag en gaar is. Verwyder van hitte en geur goed met sout en peper. Sit voor met hande vol parmesaankaas.
Oondgebakte hoenderkerrie
My vriende is altyd baie verbaas as hulle onverwags
