SKAAPUITVOER KAN SA BOERE KOS
Die vervoer van lewende skape in groot getalle per skip is myns insiens ’n warm patat wat tot elke prys vermy moet word.
Dis nie die eerste keer dat dié kwessie in ons midde beland nie. Dit was in 1995 ook ter sprake, maar toe was die skoen aan die ander voet. Toe het sekere Moslemslagters in KwaZulu-Natal aansoek gedoen om lewende skape vanaf Australië na Suid-Afrika vir halaal-slagdoeleindes in te voer.
Die skaapbedryf was vanselfsprekend baie begaan daaroor, want dit sou tot ’n aansienlike groter aanbod van skaapvleis lei en die pryse afdruk. Daar is
