Plattelandse sprokieslewe
‘Ek wil nooit, óóit weer in my lewe onder ’n buislig sit en werk nie,” sê Martly Calitz (49) onomwonde. Sy en haar man het tien jaar gelede op ’n Roete 62-langpadreis gegaan om ’n plek te vind waar hulle kon voel hulle kan asemhaal.
“Toe ons in Montagu aanland, het ek vir my man, Hanno, gesê dít is die dorp waar ek wil bly,” vertel Martly. Daar en dan koop hulle toe sommer ’n huis en sy be-dank haar werk en sê vir haar bestuurder sy is moeg vir buisligte en snelweë. “Dis nie goed vir my kreatiwiteit of my gesondheid nie,” sê Martly. Sy het vir ’n Duitse maatskappy gewerk en haar bestuurder wou nie haar bedanking aanvaar
