Kroniek van ’n korrelkop

Jeanne Goosen: ’n Lewe vol sinne deur Petrovna Metelerkamp. Uitgewer: Hemel & See Boeke. Prys: R300.

Hier aan die suidpunt van Afrika sit ons met ’n vroulike weergawe van Hunter S. Thompson. Sy is wispelturig, uitgesproke, korrelrig, sagmoedig, verbeeldingryk. Jeanette Helena Goosen is ’n agitator, rebel, dwarstrekker, donderweer met blink bliksemstrale, maar ook die ligte somerbries wat lafenis bied.

Haar teer hart is gek oor ou honde, miskien omdat sy ook ’n effe gehawende en minlike brakkie is wat knor, blaf en snags in jou arms kom lê. Sy is erg onseker oor haarself, baklei met mense, raak woedend, maar haar siel is so sag soos melktert.

Goosen is ook eg Suid-Afrikaans, , braaivleis, rugby, sonneskyn en Chevrolet. Sy is ’n vrou sonder fieterjasies. Sy het gekom met die sekelmaan. Op die rug van die tier. As sy ’n sportster was, sou sy daagliks