BRIEWE
BESLUIT OOR WYNUITVOER KORTSIGTIG
Die regering het die uitvoer van wyn op Vrydag 17 April weer opgeskort, nadat ’n toegewing die vorige week gemaak is om uitvoer met uiters streng voorwaardes te laat voortgaan. Hierdie ommekeer is sonder goed gefundeerde redes gemaak.
Die rede wat in die pers vermeld is, is dat die regering wil voorkom dat vragmotors gekaap word op pad na die hawe. Dit is ’n argument wat geen gronde het nie:
■ Daar is veronderstel om geen verkeer op die paaie te wees nie.
■ Die paaie word deur die polisie en weermag gepatrolleer.
■ Die KWV-vragmotor wat onlangs verdwyn het, is nie gekaap nie, maar deur die bestuurder gesteel.
■ Die N1 is die hooftoegangsroete na die hawe.
Die president het baie ondersteuning van alle Suid-Afrikaners gekry met die aanvang van die inperking, maar ek is bekommerd dat alles ongedaan gemaak kan word deur net eenvoudig besighede totaal lam te lê.
