Ryk en romerig
PAASFUDGE
Maklik in die mikrogolf
Dié speelse lekkerny wat met sjokoladepaaseiertjies versier word, is die perfekte bederf oor Paasnaweek – vir jonk én oud.
Jy benodig
(maak 16 blokkies)
2 koppies strooisuiker
1 blik (385 g) kondensmelk
½ koppie sagte botter
1 teelepel vanieljegeursel
½ koppie spikkelsjokolade-eiers (speckled eggs)
½ koppie sjokolade-grondboontjiebolletjies (of sjokolademoutbolletjies soos Chuckles)
Só maak jy
1 Gooi die suiker, kondensmelk en botter in ’n diep mikrogolfbestande mengbak. Roer alles deur en smelt die mengsel vir 2 minute op Hoog in die mikrogolfoond. Haal die bak uit die mikrogolf en roer weer die beslag tot glad.
2 Kook nou die mengsel vyf keer vir 2 minute op ’n slag (dus altesame 10 minute) of tot die fudge ’n mooi karamelkleur het. Die sterkte van jou mikrogolfoond kan die kooktyd beinvloed – as jou fudge dus nog effens lig lyk, kook dit vir nóg 2 minute.
die kleur
