Istanbul ’n avontuur in 48 uur
Party mense ontdek in hul reise ’n magiese plek waarheen hulle konstant terugkeer. Ander, soos ek, het slapelose nagte oor hoeveel lande en plekke hulle nog nie gesien het nie.
Die besef dat jy waarskynlik nooit orals gaan uitkom waar jy nog wou draai nie, hoef nie so neerdrukkend te wees nie. As jy slim beplan, kan jy die pyn ligter maak deur dubbele vakansies te begin doen. ’n Blitsreis binne ’n groter reis. En al hoe meer lugdienste maak dit moontlik vir toeriste om ’n lang oorstaan te beplan vir dié rede.
Hier is hoe jy in 48 uur genoeg in Istanbul kan doen om ’n waardevolle belewenis op jou lysie af te merk:
8 uur – Loop (en eet) op straat
Darem nie vir agt uur aaneen nie, maar ek het ’n waardige poging aangewend.
