‘Al hoe ons virus wen, is saam . . .’
‘Ons Suid-Afrikaners dink mos ons is koeëlvas. Ons leef in hierdie borrel dat dit nie regtig óns probleem is nie. Tot iemand na aan ons die virus kry.
“Ek het Covid-19. Moenie dit ligtelik opneem nie. Dis massief. Die wêreld het vir altyd verander.”
Andrew MacPherson is een van die die eerste Suid-Afrikaners met die koronavirussiekte wat bereid is om sy ervaring openlik te deel.
Tot onlangs was daar ’n groot stilte om Covid-19-slagoffers. Niemand wou praat nie.
Hierdie 45-jarige geoktrooieerde rekenmeester, hoof van balansstaatbestuur by Old Mutual, het nou Suid-Afrika se gesig van Covid-19 geword.
“My ma sê nog altyd ek het ’n gesig vir radio, maar sy is duidelik verkeerd – ek het ’n gesig vir ’n virus!”
Andrew praat vinnig, energiek, dringend. Eintlik wil hy van die dakke af skree, al is dit om vir mense net één ding te laat besef:
“Moenie die virus vrees nie, vrees dat jy die virus gaan versprei. Dis hoe
