SMARAGGROEN STAD
Die eerste ding wat ’n mens raaksien by jou aankoms in Seattle in Amerika (ná ’n verskriklike lang vlug uit Johannesburg) is hoe groen die stad is. Ek was daar in Augustus, wat saam met Julie, daarvoor bekend is dat dit dan nie so baie daar reën nie. Want dié stad is ook vir sy baie reën bekend. En dit was inderdaad ’n goeie keuse – die meeste dae was sonskynmooi.
Seattle se middestad is ’n verrassing, buiten goed ontwerpte, moderne geboue is daar bome langs die strate en heelwat blomme in bakke.
