Hoekom Amerika?
Ons het eers oorweeg om Nieu-Seeland toe te emigreer, maar dit het nie uitgewerk nie. Min het ons geweet die Here het ander planne vir ons. In Suid-Afrika was ek en my man, Philip, bestuurders by ’n kinderhuis op Lephalale (Ellisras), waar ons vrywilligers van reg oor die wêreld ontmoet het. ’n Vrou in een van die spanne van Amerika af het gewerk vir ’n immigrasiemaatskappy en ons het haar ons storie vertel. Ons het Amerika nooit as opsie oorweeg nie, maar van daar af het deure vir ons oopgegaan. Dit was ’n baie lang proses, maar ons is nou reeds drie jaar hier en dit was beslis die wag werd gewees. Philip doen instandhouding by die Grace Church en ek werk by ’n kruidenierswinkel.
Wat maak Amerika uniek?
Hier is soveel dinge, soos die natuur. Ons bly naby die berge en ook naby die see, dus is dit maklik om sommer vir ’n naweek na een van die twee weg te breek. Hier vind jy ook mense van reg oor
