Die storie van die seeperde
Ons is douvoordag uit Somerset-Wes om stiptelik 09:00 vir ons rit by Pearly Beach in die Wes-Kaap aan te meld. Die opgeskote tieners op die agtersitplek van die Subaru het weens opgewondenheid heelnag nie ’n oog toegemaak nie en speel nou vir ons Billie Eilish deur die Bluetooth-klankstelsel.
“Up all night on another red-eye, I wish we never learned to fly,” sing Billie, terwyl die son sy kroontjie agter die horison uitsteek naby Caledon.
Ná ’n rit van twee uur, lewer Google se navigasie-app ons by ’n netjiese kleinhoewe naby Pearly
