IS FAMILIE DIE VYAND?
’nHuwelik verenig nie net twee mense en twee lewens nie, maar twee families – altans dis hoe dit veronderstel is om te werk. Maar soos ons pas met die Britse koninklikes gesien het, is dit soms allermins die geval en moet baie paartjies soms die duurste prys vir hul liefde betaal. Baie Suid-Afrikaners wat oor die ras- of godsdiensgrens liefde gevind het, dra eerstehandse kennis hiervan.
Só het prins Harry en sy Amerikaanse vrou, Meghan Markle, ook onlangs wêreldwyd opslae gemaak toe hulle aangekondig het hulle gaan terugstaan as “senior” lede van die koninklike familie en ook finansieel onafhanklik word.
Gerugte oor die redes agter #Megxit het amper vinniger as die nuus self versprei en in hierdie stadium wil
