EK HET OORLEEF
Sommige mense spoel soos dryfhout ná ’n storm op see land toe. Gehawend. Drenkelinge met niks aan hul lyf nie. Slegs ’n verhaal. Een wat vertel moet word.
Left to Tell - Discovering God Amidst the Rwandan Holocaust is ’n gepaste titel vir Immaculée se weergawe van haar ervarings. Dele daarvan wil jou met die lig aan die slaap laat raak nadat jy dit gelees het. Dis ’n verhaal deurspek met van die beste tot die weersinwekkendste van menswees. Sewe miljoen etniese Tutsi’s is in die lente van 1994 binne honderd dae deur hul landgenote van die Hutu-groep uitgewis. Vandag kan besoekers aan Rwanda verbysterd staan en kyk na die meer as vyfduisend Tutsi-skedels in die Ntarama-kerk suid van die hoofstad Kigali, ’n herinnering aan die vlugtelinge wat ’n wrede dood gesterf het toe hulle daar skuiling probeer soek het.
Die jong vrou se boek was gou ’n Times-topverkoper – dalk omdat die waarheid weer eens gewoon vreemder en merkwaardiger as fiksie blyk te wees. Met niemand waarskynlik meer verras oor die sukses daarvan
