ਕਿਉਂ ਦਸਵੰਧ ਨਾ ਦੇਣ ਵਾਲੇ ਮਸੀਹੀ ਗ਼ਰੀਬ ਬਣ ਜਾਦੇ ਹਨ ... ਅਤੇ ਕਿਵੇਂ ਦਸਵੰਧ ਦੇਣ ਵਾਲੇ ਮਸੀਹੀ ਧਨੀ ਬਣ ਜਾਦੇ ਹਨ

By Dag Heward-Mills

ਡੈਗ ਹਿਯੁਵਰਡ-ਮਿਲਸ ਬਹੁਤ ਸਾਰੀਆਂ ਕਿਤਾਬਾਂ ਦਾ ਲੇਖਕ ਹੈ ਜਿਸ ਵਿਚ ਸਭ ਤੋਂ ਜ਼ਿਆਦਾ ਵਿਕਣ ਵਾਲੀ ਕਿਤਾਬ “ਵਫ਼ਾਦਾਰੀ ਅਤੇ ਬੇਵਫ਼ਾਈ” ਵੀ ਸ਼ਾਮਲ ਹੈI ਉਹ ਦੋ ਹਜ਼ਾਰ ਕਲੀਸੀਆਂ ਦੇ ਸੰਵਿਧਾਨਕ ਦੇ ਸੰਸਥਾਪਕ ਵੀ ਹੈ ਜਿਹਨਾਂ ਨੂੰ ਲਾਇਟਹਾਊਸ ਚੈਪਲ ਇੰਟਰਨੈਸ਼ਨਲ ਕਿਹਾ ਜਾਂਦਾ ਹੈI

ਡੈਗ ਹਿਯੁਵਰਡ-ਮਿਲਸ ਇਕ ਅੰਤਰਰਾਸ਼ਟਰੀ ਪ੍ਰਚਾਰਕ ਹੈ, ਅੰਤਰਰਾਸ਼ਟਰੀ ਹੀਲਿੰਗ ਜੀਜਸ ਕਰੂਸਡਜ਼ ਅਤੇ ਦੁਨੀਆਂ ਭਰ ਦੀਆਂ ਕਾਨਫ਼ਰੰਸਾਂ ਵਿਚ ਸੇਵਕ ਵੀ ਹੈI ਵਧੇਰੇ ਜਾਣਕਾਰੀ ਲਈ ਸੰਪਰਕ ਕਰੋ www.daghewardmills.org

• Language: ਪੰਜਾਬੀ
• Publisher: Dag Heward-Mills
• Release date: May 20, 2018
• ISBN: 9781641354042

Dag Heward-Mills

Bishop Dag Heward-Mills is a medical doctor by profession and the founder of the United Denominations Originating from the Lighthouse Group of Churches (UD-OLGC). The UD-OLGC comprises over three thousand churches pastored by seasoned ministers, groomed and trained in-house. Bishop Dag Heward-Mills oversees this charismatic group of denominations, which operates in over 90 different countries in Africa, Asia, Europe, the Caribbean, Australia, and North and South America. With a ministry spanning over thirty years, Dag Heward-Mills has authored several books with bestsellers including ‘The Art of Leadership’, ‘Loyalty and Disloyalty’, and ‘The Mega Church’. He is considered to be the largest publishing author in Africa, having had his books translated into over 52 languages with more than 40 million copies in print.

Book preview

ਦਸਵੰਧ ਨਾ ਦੇਣ ਵਾਲੇ ਕਿਉਂ ਗ਼ਰੀਬ ਬਣ ਜਾਂਦੇ ਹਨ, 
ਇਸਦੇ ਛੇ ਕਾਰਨ ਹਨ

1. ਦਸਵੰਧ ਨਹੀਂ ਦੇਣ ਵਾਲੇ ਗ਼ਰੀਬ ਬਣ ਜਾਂਦੇ ਹਨ ਕਿਉਂਕਿ ਉਨ੍ਹਾਂ ਦੇ ਕੋਲ ਕੱਟਣ ਦੇ ਲਈ ਕੁਝ ਨਹੀਂ ਹੁੰਦਾ।

ਓਹ ਹਵਾ ਬੀਜਦੇ ਹਨ ਅਤੇ ਵਾਵਰੋਲੇ ਵੱਢਦੇ ਹਨ। ਕੋਈ ਖੜੀ ਫ਼ਸਲ ਨਹੀਂ, ਸਿੱਟਾ ਆਟਾ ਨਹੀਂ ਦੇਵੇਗਾ, ਜੇ ਦੇਵੇ ਵੀ ਤਾਂ ਓਪਰੇ ਉਹ ਨੂੰ ਨਿਗਲ ਲੈਣਗੇ।

ਹੋਸ਼ੇਆ 8:7

ਖੁਸ਼ਹਾਲੀ ਆਪਣੇ ਬੁਨਿਆਦੀ ਰੂਪ ਵਿੱਚ ਕਿਸੇ ਵਿਅਕਤੀ ਦੇ ਬੀਜ ਬੀਜਣ ਅਤੇ ਬਾਅਦ ਵਿੱਚ ਪ੍ਰਤੀਫਲ (ਉਪਜ) ਕੱਟਣ ਨਾਲ ਹੁੰਦੀ ਹੈ। ਤੁਹਾਡਾ ਦਸਵੰਧ ਨਹੀਂ ਦੇਣਾ ਤੁਹਾਨੂੰ ਬੀਜਣ ਅਤੇ ਕੱਟਣ ਦੇ ਇਸ ਆਖ਼ਰੀ ਸ਼ੁਰੂ ਦੇ ਸਿਧਾਂਤ ਤੋਂ ਅਲੱਗ ਕਰ ਦਿੰਦਾ ਹੈ। ਜਦੋਂ ਤੁਸੀਂ ਦਸਵੰਧ ਨਹੀਂ ਦਿੰਦੇ ਤੁਹਾਨੂੰ ਆਰਥਿਕ ਹਾਨੀ ਹੁੰਦੀ ਹੈ ਕਿਉਂਕਿ ਤੁਸੀਂ ਖੁਸ਼ਹਾਲੀ ਦੀ ਨੀਂਹ ਨੂੰ ਹਟਾ ਦਿੱਤਾ ਹੈ।

2. ਦਸਵੰਧ ਨਹੀਂ ਦੇਣ ਵਾਲੇ ਗ਼ਰੀਬ ਬਣ ਜਾਂਦੇ ਹਨ ਕਿਉਂਕਿ ਉਹ ਆਪਣੇ ਜੀਵਨਾਂ ਤੇ ਬਰਕਤਾਂ ਨੂੰ ਆਕਰਸ਼ਿਤ ਨਹੀਂ ਕਰਦੇ।

ਸਾਰੇ ਦਸਵੰਧ ਮੇਰੇ ਮੋਦੀਖ਼ਾਨੇ ਵਿੱਚ ਲਿਆਓ ਤਾਂ ਜੋ ਮੇਰੇ ਭਵਨ ਵਿੱਚ ਭੋਜਨ ਹੋਵੇ ਅਤੇ ਉਸੇ ਨਾਲ ਮੈਨੂੰ ਜ਼ਰ੍ਹਾ ਪਰਤਾਓ, ਸੈਨਾਂ ਦਾ ਯਹੋਵਾਹ ਆਖਦਾ ਹੈ, ਕੀ ਮੈਂ ਤੁਹਾਡੇ ਲਈ ਅਕਾਸ਼ ਦੀਆਂ ਖਿੜਕੀਆਂ ਖੋਲ੍ਹਦਾ ਹਾਂ ਕਿ ਨਹੀਂ ਭਈ ਤੁਹਾਡੇ ਲਈ ਬਰਕਤ ਵਰ੍ਹਾਵਾਂ ਏਥੋਂ ਤੀਕ ਕਿ ਉਹਦੇ ਲਈ ਥਾਂ ਨਾ ਹੋਵੇਗਾ।

ਮਲਾਕੀ 3:10

ਦਸਵੰਧ ਅਲੱਗ ਪ੍ਰਕਾਰ ਦੀਆਂ ਬਰਕਤਾਂ ਨੂੰ ਆਕਰਸ਼ਿਤ ਕਰਦਾ ਹੈ ਕਿਉਂਕਿ ਇਸ ਤਰ੍ਹਾਂ ਪਰਮੇਸ਼ੁਰ ਦਾ ਬਚਨ ਕਹਿੰਦਾ ਹੈ ਇੱਕ ਵਿਅਕਤੀ ਜੋ ਬਰਕਤ ਪਾਇਆ ਹੋਇਆ ਹੈ, ਉਸ ਤੇ ਕਿਰਪਾ ਕੀਤੀ ਗਈ ਅਤੇ ਸਹਾਇਤਾ ਕੀਤੀ ਗਈ ਹੈ। ਧਰਤੀ ਤੇ ਸਾਡਾ ਜੀਵਨ ਬਹੁਤ ਔਖਾ ਹੈ। ਯਾਕੂਬ ਨੇ ਆਪਣੇ ਜੀਵਨ ਦੇ ਵਿਸ਼ੇ ਵਿੱਚ ਦੱਸਿਆ ਸੀ ਜਦੋਂ ਫ਼ਿਰਊਨ ਨੇ ਉਸ ਤੋਂ ਪੁੱਛਿਆ ਸੀ, ਤੇਰੀ ਉਮਰ ਕਿੰਨਿਆਂ ਵਰਿਹਾਂ ਦੀ ਹੈ? ਯਾਕੂਬ ਨੇ ਫ਼ਿਰਾਊਨ ਨੂੰ ਆਖਿਆ ਮੇਰੇ ਮੁਸਾਫਰੀ ਦੇ ਦਿਨ ਇੱਕ ਸੌ ਤੀਹ ਵਰ੍ਹੇ ਹਨ। ਮੇਰੇ ਜੀਵਨ ਦੇ ਦਿਨ ਥੋੜ੍ਹੇ ਅਤੇ ਬੁਰੇ ਹੋਏ ਹਨ ਅਤੇ ਮੇਰੇ ਪਿਓ ਦਾਦੇ ਦੇ ਮੁਸਾਫਰੀ ਦੇ ਜੀਵਨ ਦੇ ਵਰਿਹਾਂ ਦੇ ਬਰਾਬਰ ਨਹੀਂ ਹੋਏ ਹਨ (ਉਤਪਤ 47:8,9) ।

ਅੱਯੂਬ ਨੇ ਵੀ ਕਿਹਾ ਸੀ ਕਿ ਮਨੁੱਖ ਦੇ ਦਿਨ ਥੋੜ੍ਹੇ ਹਨ ਅਤੇ ਬਿਪਤਾਵਾਂ ਨਾਲ ਭਰੇ ਹੋਏ ਹਨ। ਤੁਹਾਡੇ ਤੇ ਖ਼ਾਸ ਸ਼ਰਾਪ ਹੋਣ ਦੇ ਬਿਨ੍ਹਾਂ ਵੀ ਤੁਸੀਂ ਕਈ ਸਮੱਸਿਆਵਾਂ ਅਤੇ ਵੱਡੀਆਂ ਕਠਿਨਾਈਆਂ ਦਾ ਸਾਹਮਣਾ ਕਰੋਗੇ। ਜਦੋਂ ਤੁਸੀਂ ਆਪਣਾ ਦਸਵੰਧ ਨਹੀਂ ਦੇਵੋਗੇ ਤਦ ਇਸ ਜੀਵਨ ਦੀਆਂ ਵਰਤਮਾਨ ਸਮੱਸਿਆਵਾਂ ਨੂੰ ਪ੍ਰਭਾਵਹੀਣ ਕਰਨ ਦੀ ਬਰਕਤ ਤੁਹਾਡੇ ਕੋਲ ਨਹੀਂ ਹੋਵੇਗੀ। ਤੁਸੀਂ ਜੀਵਨ ਵਿੱਚ ਚੰਗਾ ਕਿਵੇਂ ਕਰ ਸਕਦੇ ਹੋ ਜੇਕਰ ਤੁਹਾਡੇ ਦਯਾ ਭਰੀ ਹੋਂਦ ਉੱਤੇ ਬਰਕਤ ਦੇ ਬਚਨ ਨਹੀਂ ਕਹੇ ਗਏ? ਆਪਣੇ ਜੀਵਨ ਵਿੱਚ ਚੜ੍ਹਦੀ ਹੋਈ ਗਰੀਬੀ ਤੇ ਹੈਰਾਨ ਨਾ ਹੋਵੋ ਜੇਕਰ ਤੁਸੀਂ ਦਸਵੰਧ ਨਹੀਂ ਦਿੰਦੇ ਹੋ ਤਾਂ, ਬਰਕਤ ਜੋ ਧਨਵਾਨ ਬਣਾਉਂਦੀ ਹੈ ਅਤੇ ਦਸਵੰਧ ਦੇਣ ਵਾਲੇ ਤੇ ਬਹੁਤਾਇਤ ਨਾਲ ਆਉਣ ਵਾਲੇ ਦੁੱਖਾਂ ਨੂੰ ਨਹੀਂ ਵਧਾਉਂਦੀ।

3. ਦਸਵੰਧ ਨਹੀਂ ਦੇਣ ਵਾਲੇ ਗ਼ਰੀਬ ਬਣ ਜਾਂਦੇ ਹਨ ਕਿਉਂਕਿ ਉਹ ਸ਼ਰਾਪੀ ਹਨ।

ਕੀ ਕੋਈ ਆਦਮੀ ਪਰਮੇਸ਼ੁਰ ਨੂੰ ਠੱਗੇਗਾ? ਪਰ ਤੁਸਾਂ ਮੈਨੂੰ ਠੱਗ ਲਿਆ ਅਤੇ ਤੁਸੀਂ ਆਖਦੇ ਹੋ, ਕਿਹੜੀ ਗੱਲ ਵਿੱਚ ਅਸਾਂ ਤੈਨੂੰ ਠੱਗ ਲਿਆ? ਦਸਵੰਦਾਂ ਅਤੇ ਭੇਟਾਂ ਵਿੱਚ!

ਤੁਸੀਂ ਸਰਾਪੀਆਂ ਦੇ ਸਰਾਪੀ ਹੋਏ। ਤੁਸੀਂ ਮੈਨੂੰ ਠੱਗਦੇ ਹੋ, ਸਗੋਂ ਸਾਰੀ ਕੌਮ ਵੀ। ਤੇਰੇ ਤੇ ਭਾਰਾਂ ਸ਼ਰਾਪ ਪਿਆ ਹੈ, ਕਿਉਂਕਿ ਤੂੰ ਮੈਨੂੰ ਲੁੱਟਦਾ ਹੈਂ: ਵਰਨ ਸਾਰੀ ਜਾਤੀ ਇਸ ਤਰ੍ਹਾਂ ਕਰਦੀ ਹੈ।

ਮਲਾਕੀ 3:8-9

ਉਨ੍ਹਾਂ ਲੋਕਾਂ ਦੇ ਲਈ ਖ਼ਾਸ ਸ਼ਰਾਪ ਹੈ ਜੋ ਦਸਵੰਧ ਨਹੀਂ ਦਿੰਦੇ। ਸੰਸਾਰ ਵਿੱਚ ਪੰਜੀ ਸ਼ਰਾਪਾਂ ਵਿੱਚੋਂ ਇਹ ਇੱਕ ਹੈ। ਇਹ ਸ਼ਰਾਪ ਦਸਵੰਧ ਨਹੀਂ ਦੇਣ ਵਾਲਿਆਂ ਤੇ ਸਿਰਫ਼ ਆਦਮ, ਨੂਹ ਅਤੇ ਹੋਰ ਪੀੜ੍ਹੀਆਂ ਤੋਂ ਸਾਨੂੰ ਸੰਯੁਕਤ ਕੀਤੇ ਗਏ ਸ਼ਰਾਪਾਂ ਦੀ ਬਹੁਤਾਇਤ ਨੂੰ ਮਿਲਾਉਣ ਦੇ ਲਈ ਆਉਂਦਾ ਹੈ। ਜੋ ਲੋਕ ਦਸਵੰਧ ਨਹੀਂ ਦਿੰਦੇ ਹਨ ਉਨ੍ਹਾਂ ਤੇ ਆਇਆ ਸ਼ਰਾਪ ਉਨ੍ਹਾਂ ਸ਼ਰਾਪਾਂ ਦੇ ਨਾਲ-ਨਾਲ ਕੰਮ ਕਰਦਾ ਹੈ ਜੋ ਉਨ੍ਹਾਂ ਦੇ ਮਾਤਾ-ਪਿਤਾ ਅਤੇ ਬਜ਼ੁਰਗਾਂ ਨੇ ਆਪਣੇ ਅਤੇ ਆਪਣੀਆਂ ਪੀੜ੍ਹੀਆਂ ਤੇ ਲਿਆਏ ਹੋਣਗੇ। ਲੱਗਭੱਗ ਅਸੀਂ ਸਾਰੇ ਉਨ੍ਹਾਂ ਲੋਕਾਂ ਦੇ ਵੰਸ਼ ਜੋ ਕਿਸੇ ਇੱਕ ਕਾਰਨ ਨਾਲ ਸ਼ਰਾਪਿਤ ਹਨ ਜਾਂ ਹੋਰ ਗੱਲਾਂ ਦੇ ਦੁਆਰਾ ਜੋ ਉਨ੍ਹਾਂ ਨੇ ਕੀਤੀਆਂ ਸਨ।

ਇੱਕ ਦਿਨ ਮੈਂ ਬਹੁਤ ਚਿੰਤਾ ਵਿੱਚ ਸੀ ਜਦੋਂ ਮੈਨੂੰ ਪਤਾ ਲੱਗਾ ਕਿ ਮੇਰੇ ਬਜ਼ੁਰਗ ਸ਼ਾਇਦ : ਗ਼ੁਲਾਮਾਂ ਦੇ ਵਪਾਰੀ ਸਨ। ਮੈਂ ਜਾਣਿਆ ਕਿ ਇੱਕ ਪੁਰਾਣਾ ਕਿਲ੍ਹਾ ਹੈ ਜੋ ਠੀਕ ਮੇਰੇ ਪਿਤਾ ਦੇ ਨਿਵਾਸ ਸਥਾਨ ਵਿੱਚ ਬਣਿਆ ਹੋਇਆ ਸੀ ਜਿਸਨੂੰ ਗ਼ੁਲਾਮਾਂ ਦੇ ਵਪਾਰ ਦੇ ਲਈ ਵਰਤਿਆ ਜਾਂਦਾ ਹੋਵੇਗਾ। ਪ੍ਰਤੱਖ ਤੌਰ ਤੇ, ਮੈਂ ਕਿਸੇ ਇਸ ਤਰ੍ਹਾਂ ਦੇ ਵਿਅਕਤੀ ਦੇ ਕੁੱਲ ਵਿੱਚੋਂ ਸੀ ਜੋ ਗ਼ੁਲਾਮੀ ਵਿੱਚ ਵੇਚਿਆ ਨਹੀਂ ਗਿਆ ਸੀ। ਅੰਤ ਮੈਂ ਸ਼ਾਇਦ ਇਸ ਤਰ੍ਹਾਂ ਦੇ ਕਿਸੇ ਵਿਅਕਤੀ ਦੀ ਕੁੱਲ ਵਿੱਚੋਂ ਹਾਂ ਜਿਸਨੇ ਆਪਣੇ ਭਾਈ ਨੂੰ ਵੇਚ ਦਿੱਤਾ ਸੀ। ਆਪਣੇ ਭਰਾ ਨੂੰ ਵੇਚਣਾ ਨਿਸ਼ਚਿਤ ਤੌਰ ਤੇ ਤੁਹਾਡੇ ਪਰਿਵਾਰ ਵਿੱਚ ਸ਼ਰਾਪ ਲੈ ਕੇ ਆਏਗਾ। ਕਦੇ ਤੁਸੀਂ ਹੈਰਾਨ ਹੋਏ ਸੀ ਕਿ ਕਿਉਂ ਉਹ ਜਗ੍ਹਾ ਜਿੱਥੇ ਸਸਤੇ ਗਹਿਣਿਆਂ ਅਤੇ ਸ਼ੀਸ਼ਿਆਂ ਦੇ ਲਈ ਆਪਣੇ ਭਰਾਵਾਂ ਦਾ ਵਪਾਰ ਕੀਤਾ ਜਾਂਦਾ ਸੀ ਅੱਜ ਸੰਸਾਰ ਦੇ ਜ਼ਿਆਦਾ ਗ਼ਰੀਬੀ ਦੇ ਮਾਰੇ ਹੋਏ ਭਾਗ ਹਨ?

ਤੁਹਾਡਾ ਦਸਵੰਧ ਨਾ ਦੇਣਾ ਤੁਹਾਡੇ ਜੀਵਨ ਵਿੱਚ ਬਹੁਤ ਜ਼ਿਆਦਾ ਕਠੋਰ ਸ਼ਰਾਪਾਂ ਨੂੰ ਲੈ ਕੇ ਆਉਂਦਾ ਹੈ। ਇਹ ਨਾ ਭੁੱਲੋ ਕਿ ਤੁਸੀਂ ਪਹਿਲਾਂ ਤੋਂ ਹੀ ਆਦਮ ਦੇ ਸ਼ਰਾਪ ਦੇ ਹੇਠਾਂ ਮਿਹਨਤ ਕਰ ਰਹੇ ਹੋ। ਤੁਸੀਂ ਹਾਮ ਦੇ ਸ਼ਰਾਪ ਦੇ ਨਾਲ ਵੀ ਯੁੱਧ ਕਰ ਰਹੇ ਹੋ ਜੇਕਰ ਤੁਸੀਂ ਹਾਮ ਦੀ ਕੁੱਲ ਹੋ।

ਪਿਆਰੇ ਦੋਸਤ ਹੋਰ ਕਿੰਨਾ ਜ਼ਿਆਦਾ ਤੁਸੀਂ ਲੈ ਸਕਦੇ ਹੋ? ਕੀ ਇਹ ਕੁਝ ਇਸ ਤਰ੍ਹਾਂ ਕਰਨ ਦਾ ਸਮਾਂ ਨਹੀਂ ਹੈ ਜੋ ਬਰਕਤ ਲਿਆਉਂਦਾ ਹੈ? ਤੁਹਾਨੂੰ ਇਨ੍ਹਾਂ ਭਿਆਨਕ ਸ਼ਰਾਪਾਂ ਦਾ ਵਿਰੋਧ ਕਰਨ ਦੇ ਲਈ ਦਸਵੰਧ ਦੇਣ ਵਾਲੇ ਦੀ ਬਰਕਤ ਦੀ ਜ਼ਰੂਰਤ ਹੈ। ਕੀ ਇਹ ਕੋਈ ਹੈਰਾਨੀ ਦੀ ਗੱਲ ਹੈ ਕਿ ਤੁਸੀਂ ਗ਼ਰੀਬ ਹੁੰਦੇ ਜਾਂਦੇ ਹੋ ਜਦੋਂ ਤੁਸੀਂ ਦਸਵੰਧ ਦੇਣ ਤੋਂ ਇਨਕਾਰ ਕਰਦੇ ਹੋ?

4. ਦਸਵੰਧ ਨਾ ਦੇਣ ਵਾਲੇ ਗਰੀਬ ਹੋ ਜਾਂਦੇ ਹਨ ਕਿਉਂ ਖਾ ਜਾਣ ਵਾਲੇ ਲਗਾਤਾਰ ਉਨ੍ਹਾਂ ਦੇ ਧਨ ਨੂੰ ਖਾਂਦੇ ਰਹਿੰਦੇ ਹਨ।

ਮੈਂ ਤੁਹਾਡੇ ਲਈ ਖਾਣ ਵਾਲੇ ਨੂੰ ਝਿੜਕਾਂਗਾ ਕਿ ਓਹ ਤੁਹਾਡੀ ਜ਼ਮੀਨ ਦੇ ਫਲਾਂ ਨੂੰ ਨਾਸ਼ ਨਾ ਕਰੇ ਅਤੇ ਤੁਹਾਡੇ ਅੰਗੂਰ ਪੈਲੀ ਅਫਲ ਨਾ ਰਹਿ ਜਾਣ, ਸੈਨਾ ਦਾ ਯਹੋਵਾਹ ਆਖਦਾ ਹੈ।

ਮਲਾਕੀ 3:11

ਦਸਵੰਧ ਦੇਣ ਦੀ ਬਰਕਤ ਇਹ ਹੈ ਕਿ ਪਰਮੇਸ਼ੁਰ ਤੁਹਾਡੇ ਲਈ ਨਾਸ਼ ਕਰਨ ਵਾਲੇ ਨੂੰ ਝਿੜਕਦਾ ਹੈ। ਜਦੋਂ ਤੁਸੀਂ ਗ਼ਰੀਬ ਦੇਸ਼ਾਂ ਦੇ ਸ਼ਾਸਕੀ ਆਗੂਆਂ ਨੂੰ ਸੁਣਦੇ ਹੋ ਤਾਂ ਤੁਸੀਂ ਮਹਿਸੂਸ ਕਰਦੇ ਹੋ ਕਿ ਉਨ੍ਹਾਂ ਦੀਆਂ ਸਾਰੀਆਂ ਸਮੱਸਿਆਵਾਂ ਖ਼ਤਮ ਹੋ ਜਾਂਦੀਆਂ ਹਨ ਜੇਕਰ ਉਨ੍ਹਾਂ ਕੋਲ ਥੋੜ੍ਹਾ ਜਿਹਾ ਵਾਧੂ ਧਨ ਹੁੰਦਾ। ਬਦਕਿਸਮਤੀ ਨਾਲ ਇਸ ਤਰ੍ਹਾਂ ਨਹੀਂ ਹੈ। ਉਹ ਸਥਾਨ ਜਿਨ੍ਹਾਂ ਨੂੰ ਬਹੁਤ ਸਾਰੀ ਆਰਥਿਕ ਸਹਾਇਤਾ ਮਿਲਦੀ ਹੈ ਉਹ ਆਮ ਤੌਰ ਤੇ ਗ਼ਰੀਬ ਬਣੇ ਰਹਿੰਦੇ ਹਨ। ਧਨ ਪ੍ਰਾਪਤ ਕਰਨ ਵਾਲਿਆਂ ਦੇ ਪ੍ਰਾਪਤ ਧਨ ਨੂੰ ਸੁਰੱਖਿਅਤ ਰੱਖਣ ਦੀ ਅਯੋਗਤਾ ਦੇ ਕਾਰਨ ਇਹ ਵਿਰੋਧ ਵਾਲੀ ਤਸਵੀਰ ਬਣੀ ਰਹਿੰਦੀ ਹੈ।

ਕੀ ਤੁਸੀਂ ਕਲਪਨਾ ਕਰ ਸਕਦੇ ਹੋ ਕਿ ਛੇਕਾਂ ਨਾਲ ਛਲਨੀ ਹੋਈ ਬਾਲਟੀ ਨੂੰ ਭਰਨ ਦੇ ਲਈ ਤੁਹਾਨੂੰ ਕਿੰਨੇ ਪਾਣੀ ਦੀ ਜ਼ਰੂਰਤ ਹੋਵੇਗੀ? ਜੇਕਰ ਧਨ ਨੂੰ ਪਾਣੀ ਨਾਲ ਭਰੀ ਬਾਲਟੀ ਦੇ ਰੂਪ ਵਿੱਚ ਪਰਿਭਾਸ਼ਿਤ ਕੀਤਾ ਜਾਵੇ, ਤਾਂ ਤੁਹਾਨੂੰ ਇਸ ਤਰ੍ਹਾਂ ਦੀ ਬਾਲਟੀ ਨੂੰ ਭਰਨ ਦੇ ਲਈ ਬਹੁਤ ਸਾਰੇ ਪਾਣੀ ਦੀ ਜ਼ਰੂਰਤ ਹੋਵੇਗੀ। ਪਰ ਜਦੋਂ ਸਾਰੇ ਛੇਕ ਬੰਦ ਕਰ ਦਿੱਤੇ ਜਾਣ ਤਾਂ ਉਸ ਨੂੰ ਭਰਨ ਦੇ ਲਈ ਤੁਹਾਨੂੰ ਥੋੜ੍ਹੇ ਜਿਹੇ ਪਾਣੀ ਦੀ ਜ਼ਰੂਰਤ ਹੋਵੇਗੀ।

ਖਾ ਜਾਣ ਵਾਲੇ ਨੂੰ ਝਿੜਕਣ ਦੀ ਇਹ ਭੇਤਭਰੀ ਬਰਕਤ ਹੈ। ਖਾ ਜਾਣ ਵਾਲੇ ਨੂੰ ਝਿੜਕਣ ਦੇ ਬਾਅਦ, ਤੁਹਾਨੂੰ ਧਨੀ ਵਿਅਕਤੀ ਬਣਾਉਣ ਵਿੱਚ ਥੋੜ੍ਹਾ ਹੀ ਧਨ ਲੱਗੇਗਾ ਜਦੋਂ ਤੁਹਾਡੇ ਕੋਲ ਇਹ ਬਰਕਤ ਨਹੀਂ ਹੈ ਤਾਂ ਤੁਸੀਂ ਚੰਗੀ ਨੌਕਰੀ ਲੱਭੋਗੇ ਅਤੇ ਜ਼ਿਆਦਾ ਧਨ ਕਮਾਵੋਗੇ ਪਰ ਧਨਵਾਨ ਬਨਣ ਵਿੱਚ ਸਦਾ ਅਸਫ਼ਲ ਹੋ ਜਾਵੋਗੇ। ਜਦੋਂ ਖਾ ਜਾਣ ਵਾਲਾ ਝਿੜਕ ਦਿੱਤਾ ਗਿਆ, ਤਦ ਤੁਸੀਂ ਓਨਾ ਨਹੀਂ ਕਮਾਓਗੇ ਪਰ ਤੁਹਾਡੀ ਬਾਲਟੀ ਜਲਦੀ ਹੀ ਭਰ ਜਾਵੇਗੀ ਅਤੇ ਜਲਦੀ ਭਰਨ ਲੱਗੇਗੀ।

ਪਿਆਰੇ ਦੋਸਤ, ਇਹੀ ਕਰਨ ਦਾ ਪਰਮੇਸ਼ੁਰ ਵਾਇਦਾ ਕਰਦਾ ਹੈ ਜਦੋਂ ਤੁਸੀਂ ਆਪਣਾ ਦਸਵੰਧ ਦਿੰਦੇ ਹੋ। ਅੱਜ ਗ਼ਰੀਬੀ ਤੋਂ ਦੂਰ ਹੱਟ ਜਾਵੋ ਅਤੇ ਖਾ ਜਾਣ ਵਾਲੇ ਤੋਂ ਝਿੜਕਣ ਦੀ ਬਰਕਤ ਪ੍ਰਾਪਤ ਕਰ ਲਵੋ। ਕੀ ਕਦੀ ਤੁਹਾਨੂੰ ਹੈਰਾਨੀ ਹੋਈ ਹੈ ਕਿ ਕਿਉਂ ਲੋਕ ਆਪਣੀ ਵਿਚਲੀ ਉਮਰ ਵਿੱਚ ਵੱਡੇ ਅਤੇ ਮੋਟੇ ਹੋ ਜਾਂਦੇ ਹਨ? ਫਿਰ ਵੀ ਉਹ ਜ਼ਿਆਦਾ ਭੋਜਨ ਨਹੀਂ ਕਰਦੇ ਅਸਲ ਵਿੱਚ, ਵਿਚਲੀ ਉਮਰ ਦੇ ਕਈ ਲੋਕ ਆਪਣਾ ਭਾਰ ਘੱਟ ਕਰਨ ਦੇ ਲਈ ਖਾਣਾ ਨਹੀਂ ਖਾਂਦੇ ਅਤੇ ਤਾਂ ਵੀ ਭਾਰੇ ਰਹਿੰਦੇ ਹਨ।

ਭਾਰ ਵਿੱਚ ਵਾਧੇ ਦਾ ਕੀ ਕਾਰਨ ਹੈ? ਜਦੋਂ ਲੋਕ ਬੁੱਢੇ ਹੋ ਜਾਂਦੇ ਹਨ, ਤਾਂ ਉਨ੍ਹਾਂ ਦੀ ਪਾਚਨ ਕਿਰਿਆ (ਭੋਜਨ ਨੂੰ ਜੀਵਿਤ ਪਦਾਰਥ ਵਿੱਚ ਬਦਲਣ ਦੀ ਕਿਰਿਆ) ਹੌਲੀ ਹੋ ਜਾਂਦੀ ਹੈ। ਦੂਸਰੇ ਸ਼ਬਦਾਂ ਵਿੱਚ ਉਹ ਅੱਗ ਜੋ ਚਰਬੀ ਨੂੰ ਸਾੜਦੀ ਹੈ ਉਹ ਹੌਲੀ ਹੋ ਜਾਂਦੀ ਹੈ। ਪਾਚਨ ਕਿਰਿਆ (ਪਰਿਵਰਤਨਸ਼ੀਲ) ਅੱਗ ਸਰੀਰ ਵਿੱਚ ਹਰ ਰੋਜ਼ ਦਸ ਇਕਾਈ ਚਰਬੀ ਖ਼ਤਮ ਕਰਦੀ ਸੀ, ਉਹ ਪੰਜ ਇਕਾਈ ਤੱਕ ਘੱਟ ਹੋ ਜਾਵੇਗੀ।

ਅਚਾਨਕ, ਤੁਹਾਡੇ ਵਿੱਚ ਹਰ ਰੋਜ਼ ਮੌਜ਼ੂਦ ਚਰਬੀ ਵਿੱਚ ਪੰਜ ਇਕਾਈ ਵਾਧੂ ਚਰਬੀ ਵੱਧਣ ਲੱਗੇਗੀ। ਲੱਗਭੱਗ ਬਿਨ੍ਹਾਂ ਕਿਸੇ ਯਤਨ ਦੇ ਤੁਸੀਂ ਭਾਰ ਸਹਿਣ ਕਰੋਗੇ ਅਤੇ ਵਿਸ਼ਾਲ ਅਤੇ ਚੌੜੇ ਹੁੰਦੇ ਜਾਉਗੇ। ਇਸ ਨਾਲ ਤੁਸੀਂ ਕਿਸੇ ਦੀ ਉਮਰ ਉਸ ਦੇ ਅਕਾਰ ਦੇ ਦੁਆਰਾ ਜਾਣ ਸਕੋਗੇ। ਜਿਸ ਤਰ੍ਹਾਂ ਤੁਹਾਡੀ ਉਮਰ ਵਧੇਗੀ ਤੁਹਾਡੀ ਪਰਿਵਰਤਨਸ਼ੀਲਤਾ ਡਿੱਗੇਗੀ (ਖਾ ਜਾਣ ਵਾਲਾ ਝਿਰਕਿਆ ਜਾਏਗਾ) ਅਤੇ ਭਾਰ ਵਿੱਚ ਵਾਧਾ (ਤਰੱਕੀ) ਹੋਵੇਗਾ।

ਨਿਸ਼ਚਿਤ ਰੂਪ ਵਿੱਚ, ਦਸਵੰਧ ਨਾ ਦੇਣ ਵਾਲਾ ਆਪਣੇ ਜੀਵਨ ਵਿੱਚ ਬੇਕਾਬੂ ਹੋ ਜਾਣ ਦੀ ਸਥਿਤੀ ਦੇ ਕਾਰਨ ਗ਼ਰੀਬ ਹੁੰਦਾ ਜਾਵੇਗਾ।

5. ਦਸਵੰਧ ਨਾ ਦੇਣ ਵਾਲੇ ਗ਼ਰੀਬ ਹੋ ਜਾਂਦੇ ਹਨ ਕਿਉਂਕਿ ਉਨ੍ਹਾਂ ਦੇ ਖੇਤਾਂ ਵਿੱਚ ਫਲ ਲਗਾਤਾਰ ਨਾਸ਼ ਹੁੰਦੇ ਹਨ।

ਮੈਂ ਤੁਹਾਡੇ ਲਈ ਖਾਣ ਵਾਲੇ ਨੂੰ ਝਿੜਕਾਂਗਾ ਕਿ ਓਹ ਤੁਹਾਡੀ ਜ਼ਮੀਨ ਦੇ ਫਲਾਂ ਨੂੰ ਨਾਸ਼ ਨਾ ਕਰੇ ਅਤੇ ਤੁਹਾਡੇ ਅੰਗੂਰ ਪੈਲੀ ਵਿੱਚ ਅਫਲ ਨਾ ਰਹਿ ਜਾਣ ਸੈਨਾਂ ਦਾ ਯਹੋਵਾਹ ਆਖਦਾ ਹੈ।

ਮਲਾਕੀ 3:11

ਜੋ ਨਾਸਮਝੀ ਹਾਨੀ ਆਪਣੇ ਮੁਨਾਫ਼ੇ, ਕੱਟੜ ਨੀਤੀ ਪ੍ਰਬੰਧਨ, ਤ੍ਰਿਸਕਾਰ, ਅੱਗ, ਦੁਰਘਟਨਾਵਾਂ, ਬਲਵੇ, ਚੋਰੀ ਕਰਨ ਅਤੇ ਯੁੱਧ ਦੇ ਦੁਆਰਾ ਪ੍ਰਾਪਤ ਕੀਤੀ ਹੈ ਉਹ ਦੁੱਖਦਾਈ ਹੈ ਅਤੇ ਅਸਲ ਵਿੱਚ ਨਾਸ਼ ਕਰਨ ਵਾਲਿਆਂ ਦਾ ਕੰਮ ਹੈ।

ਦਸਵੰਧ ਦੇਣ ਦੀਆਂ ਮਹਾਨ ਬਰਕਤਾਂ ਵਿੱਚੋਂ ਇੱਕ ਹੈ ਨਾਸ਼ ਕਰਨ ਵਾਲੇ ਨੂੰ ਝਿੜਕਿਆ ਜਾਣਾ। ਨਾਸ਼ ਕਰਨ ਵਾਲਾ ਖਾ ਜਾਣ ਵਾਲੇ ਦਾ ਭਰਾ ਹੈ। ਨਾਸ਼ ਕਰਨ ਵਾਲੇ ਅਤੇ ਖਾ ਜਾਣ ਵਾਲਿਆਂ ਦੇ ਵਿੱਚ ਅੰਤਰ ਇਹ ਹੈ ਕਿ ਨਾਸ਼ ਕਰਨ ਵਾਲਾ ਤੁਹਾਡੇ ਧਨ ਨੂੰ ਦੁੱਖਦਾਈ ਅਤੇ ਬੁੱਧੀਹੀਨ ਤਰੀਕੇ ਨਾਲ ਹਟਾ ਦਿੰਦਾ ਹੈ। ਨਾਸ਼ ਕਰਨ ਵਾਲੇ ਨੂੰ ਕੰਮ ਕਰਦੇ ਵੇਖਣਾ ਜ਼ਿਆਦਾ ਦੁੱਖਦਾਈ ਹੈ ਕਿਉਂਕਿ ਉਸ ਹਾਨੀ ਦਾ ਕੋਈ ਅਰਥ ਨਹੀਂ ਹੈ ਜਿਸਨੂੰ ਤੁਸੀਂ ਮਹਿਸੂਸ ਕੀਤਾ ਹੈ। ਆਪਣਾ ਦਸਵੰਧ ਦੇਣਾ ਸ਼ੁਰੂ ਕਰੋ ਅਤੇ ਪਰਮੇਸ਼ੁਰ ਨੇ ਨਾਸ਼ ਕਰਨ ਵਾਲਿਆਂ ਨੂੰ ਝਿੜਕਣ ਦਾ ਵਚਨ ਕੀਤਾ ਹੈ।

6. ਦਸਵੰਧ ਨਹੀਂ ਦੇਣ ਵਾਲੇ ਗ਼ਰੀਬ ਬਣ ਜਾਂਦੇ ਹਨ ਕਿਉਂਕਿ ਉਹ ਵਾਢੀ ਕਰਨ ਦਾ ਮੌਕਾ ਪਾਉਣ ਤੋਂ ਪਹਿਲਾਂ ਆਪਣੇ ਫਲਾਂ ਨੂੰ ਗੁਆ ਦਿੰਦੇ ਹਨ।

ਮੈਂ ਤੁਹਾਡੇ ਲਈ ਖਾਣ ਵਾਲੇ ਨੂੰ ਝਿੜਕਾਂਗਾ ਕਿ ਓਹ ਤੁਹਾਡੀ ਜ਼ਮੀਨ ਦੇ ਫਲਾਂ ਨੂੰ ਨਾਸ਼ ਨਾ ਕਰੇ ਅਤੇ ਤੁਹਾਡੇ ਅੰਗੂਰ ਪੈਲੀ ਵਿੱਚ ਅਫਲ ਨਾ ਰਹਿ ਜਾਣ ਸੈਨਾਂ ਦਾ ਯਹੋਵਾਹ ਆਖਦਾ ਹੈ।

ਮਲਾਕੀ 3:11

ਦਸਵੰਧ ਨਹੀਂ ਦੇਣ ਵਾਲੇ ਕਿਉਂ ਗ਼ਰੀਬ ਬਣ ਜਾਂਦੇ ਹਨ ਇਸਦਾ ਇੱਕ ਹੋਰ ਕਾਰਨ ਹੈ ਕਿ ਉਹ ਆਪਣੀ ਵਾਢੀ ਦੇ ਫਲਾਂ ਨੂੰ ਵਾਢੀ ਦਾ ਮੌਕਾ ਮਿਲਣ ਤੋਂ ਪਹਿਲਾਂ ਗਵਾ ਦਿੰਦੇ ਹਨ। ਦਸਵੰਧ ਨਹੀਂ ਦੇਣ ਵਾਲੇ ਅਸਫ਼ਲ ਵਾਢੀ ਨਾਲ ਸ਼ਰਾਪਿਤ ਹਨ। ਅਸਫ਼ਲ ਵਾਢੀ ਅਨੁਕੂਲ ਅਤੇ ਉਪਯੁਕਤ ਵਾਢੀ ਦੀ ਅਸਫ਼ਲਤਾ ਹੈ ਜਿਸਦੇ ਲਈ ਤੁਸੀਂ ਪੂੰਜੀ ਲਗਾਈ ਸੀ।

ਕਿਸੇ ਨੇ ਵੱਡੇ ਵਿਸ਼ਵਾਸ ਦੇ ਨਾਲ ਸਿਖਾਇਆ ਹੈ ਕਿ ਜੇਕਰ ਤੁਸੀਂ ਸਖ਼ਤ ਮਿਹਨਤ ਕਰੋਗੇ ਤਾਂ ਧਨਵਾਨ ਬਣ ਜਾਵੋਗੇ। ਉਨ੍ਹਾਂ ਨੇ ਅੱਗੇ ਆਖਿਆ, ਉਹ ਲੋਕ ਜੋ ਧਨਵਾਨ ਨਹੀਂ ਹਨ ਉਹ ਸਖ਼ਤ ਮਿਹਨਤ ਨਹੀਂ ਕਰਦੇ। ਵਿਕਾਸਸ਼ੀਲ ਦੇਸ਼ਾਂ ਵਿੱਚ ਲੋਕਾਂ ਨੂੰ ਅਸਤੀਨ ਸਿਲਾ ਲੈਣੀ ਚਾਹੀਦੀ ਹੈ ਅਤੇ ਕੰਮ ਕਰਨਾ ਚਾਹੀਦਾ ਹੈ ਅਤੇ ਖੁਸ਼ਹਾਲੀ ਨੂੰ ਉਨ੍ਹਾਂ ਦਾ ਭਾਗ ਹੋ ਜਾਣਾ ਚਾਹੀਦਾ ਹੈ।

ਜੇ ਤੁਸੀਂ ਚਾਰੇ ਪਾਸੇ ਵੇਖੋ, ਤੁਸੀਂ ਪਾਓਗੇ ਕਿ ਲੋਕ ਜਿਹੜੇ ਦਿਨ ਵਿੱਚ ਬਾਰਾਂ ਘੰਟੇ ਜੀਅ ਤੋੜ ਮਿਹਨਤ ਕਰਦੇ ਹਨ ਅਤੇ ਲੱਗਭੱਗ ਕੁਝ ਵੀ ਨਹੀਂ ਕਮਾਉਂਦੇ। ਤਾਂ ਵੀ ਉਨ੍ਹਾਂ ਤੋਂ ਕੁਝ ਮੀਲ ਦੂਰ ਤੁਸੀਂ ਪਾਓਗੇ ਕਿ ਲੋਕ ਜੋ ਦਿਨ ਵਿੱਚ ਇੱਕ ਘੰਟਾ ਕੰਮ ਕਰਦੇ ਹਨ ਫਿਰ ਵੀ ਕਰੋੜਾਂ ਕਮਾਉਂਦੇ ਹਨ।

ਹਾਂ, ਇਹ ਸੱਚ ਹੈ ਕਿ ਸਖ਼ਤ ਕੰਮ ਨੂੰ ਤਰੱਕੀ ਦੇ ਵੱਲ ਲੈ ਜਾਣਾ ਚਾਹੀਦਾ ਹੈ ਪਰ ਕਈ ਮਾਮਲਿਆਂ ਵਿੱਚ ਇਸ ਤਰ੍ਹਾਂ ਨਹੀਂ ਹੁੰਦਾ। ਸਵੀਡਨ ਵਿੱਚ ਇੱਕ ਬਸ ਡਰਾਇਵਰ ਉਸ ਤੋਂ ਉਨੀਂ ਗੁਣਾ ਕਮਾਉਂਦਾ ਹੈ ਜਿੰਨਾ ਘਾਨਾ ਸ਼ਹਿਰ ਵਿੱਚ ਆਮ ਤੌਰ ਤੇ ਚੰਗਾ ਬਸ ਡਰਾਇਵਰ ਕਮਾਉਂਦਾ ਹੈ। ਇਸ ਤਰ੍ਹਾਂ ਕਿਉਂ ਹੈ? ਉਹ ਕੰਮ ਦੇ ਸਮਾਨ ਘੰਟਿਆਂ ਹੋਰ ਸਮਾਨ ਕੰਮ ਦੇ ਲਈ ਸਮਾਨ ਰਾਸ਼ੀ ਕਿਉਂ ਨਹੀਂ ਕੱਟਦੇ? ਕਿਉਂ ਇੱਕ ਵਿਅਕਤੀ ਸੌ ਬੀਜ ਬੀਜਦਾ ਅਤੇ ਸੌ ਉਪਜ ਕੱਟਦਾ ਹੈ ਅਤੇ ਦੂਸਰਾ ਸੌ ਬੀਜ ਬੀਜਦਾ ਹੈ ਅਤੇ ਤੇਈਸ ਉਪਜ ਕੱਟਦਾ ਹੈ।

ਏਹੀ ਤੁਸੀਂ ਪਾਓਗੇ ਕਿ ਅਸਫ਼ਲ ਵਾਢੀਆਂ ਕਿੰਨੀਆਂ ਸੱਚੀਆਂ ਹਨ। ਇੱਕ ਅਸਫ਼ਲ ਵਾਢੀ ਕਿਸੇ ਵਿਅਕਤੀ ਦੀ ਅਨੁਕੂਲ ਅਤੇ ਉਪਯੁਕਤ ਵਾਢੀ ਦੀ ਅਸਫ਼ਲਤਾ ਹੈ ਜਿਸਦੇ ਲਈ ਉਸ ਨੇ ਪੂੰਜੀ ਲਗਾਈ ਸੀ। ਕਈ ਲੋਕਾਂ ਨੇ ਇਸ ਪ੍ਰਕਾਰ ਦੀ ਅਸਫ਼ਲ ਵਾਢੀ ਦਾ ਅਨੁਭਵ ਕੀਤਾ ਹੈ।

ਅਸਫ਼ਲ ਵਾਢੀ ਦੇ ਕਾਰਨ ਇਸ ਲਈ ਅਸਫ਼ਲ ਵਾਢੀ ਦਾ ਅਨੁਭਵ ਕਰਨ ਵਾਲੇ ਵਿਅਕਤੀ ਸ਼ਕਤੀ ਤੋਂ ਬਾਹਰ ਹੁੰਦੇ ਹਨ। ਕਿਉਂ ਇੱਕ ਮੈਕਸੀਕੋ ਵਾਸੀ ਪੰਜ ਮੀਲ ਦੂਰ ਸੀਮਾ ਪਾਰ ਅਮਰੀਕਾ ਦੇ ਸਾਥੀ ਮਨੁੱਖਾਂ ਦੀ ਤੁਲਨਾ ਵਿੱਚ ਬਹੁਤ ਘੱਟ ਕਮਾਉਂਦਾ ਹੈ? ਇਸ ਤਰ੍ਹਾਂ ਕਿਉਂ ਹੈ ਕਿ ਅਮਰੀਕੀ ਮਿੱਟੀ ਤੇ ਇੱਕ ਵਿਅਕਤੀ ਓਨੇ ਹੀ ਪਰਿਮਾਣ ਵਿੱਚ ਸਮਾਂ ਅਤੇ ਪੈਸਾ ਲਗਾਉਂਦਾ ਹੈ ਜਿੰਨਾ ਇੱਕ ਮੈਕਸੀਕੋ ਵਾਸੀ ਪਰ ਉਹ ਉਨੀਂ ਗੁਣਾ ਜ਼ਿਆਦਾ ਕਮਾ ਲੈਂਦਾ ਹੈ? ਇਸ ਪਰੇਸ਼ਾਨੀ ਦਾ ਕਾਰਨ ਅਤੇ ਹੱਲ ਇੱਕ ਵਿਅਕਤੀ ਨੂੰ ਸੁਧਾਰਣ ਦੀ ਯੋਗਤਾ ਤੋਂ ਪਰ੍ਹੇ ਹੈ। ਪਰ ਪ੍ਰਤਾਪੀ ਪਰਮੇਸ਼ੁਰ ਦਸਵੰਧ ਦੇਣ ਵਾਲਿਆਂ ਨਾਲ ਪ੍ਰਤਿੱਗਿਆ ਕਰਦਾ ਹੈ ਕਿ ਉਹ ਉਪਜ ਨੂੰ ਰੋਕਣ ਦੇ ਨਾਲ ਜ਼ਮੀਨ ਉੱਤੇ ਡਿੱਗਣ ਤੋਂ ਬਚਾਵੇਗਾ। ਉਹ ਤੁਹਾਡੇ ਫਲਾਂ ਨੂੰ ਵਾਢੀ ਦੇ ਵੇਲੇ ਤੋਂ ਪਹਿਲਾਂ ਨਹੀਂ ਡਿੱਗਣ ਦੇਵੇਗਾ।

ਇਹ ਕੋਈ ਹੈਰਾਨੀਜਨਕ ਗੱਲ ਹੈ ਕਿ ਦਸਵੰਧ ਦੇਣਾ ਅਸਲੀ ਤਰੱਕੀ ਦੀ ਪ੍ਰਮੁੱਖ ਕੁੰਜੀ ਹੈ? ਕੀ ਤੁਸੀਂ ਹੈਰਾਨ ਹੋ ਕਿ ਦਸਵੰਧ ਨਹੀਂ ਦੇਣ ਵਾਲੇ ਆਪਣੀ ਆਮਦਨੀ ਦਾ ਦਸ ਪ੍ਰਤੀਸ਼ਤ ਪਰਮੇਸ਼ੁਰ ਤੋਂ ਅਲੱਗ ਰੱਖਣ ਦੇ ਦੁਆਰਾ ਗ਼ਰੀਬ ਬਣ ਸਕਦੇ ਹਨ?

ਤੁਸੀਂ ਪਰਮੇਸ਼ੁਰ ਦੀ ਸਹਾਇਤਾ ਦੇ ਬਿਨ੍ਹਾਂ ਕੀ ਕਰ ਸਕਦੇ ਹੋ? ਤੁਸੀਂ ਕਿੰਨੀ ਦੂਰ ਜਾ ਸਕਦੇ ਹੋ ਜੇਕਰ ਪਰਮੇਸ਼ੁਰ ਤੁਹਾਡੀ ਸਹਾਇਤਾ ਨਾ ਕਰੇ? ਦਸਵੰਧ ਦੇਣਾ ਸ਼ੁਰੂ ਕਰਨ ਦਾ ਇਹੀ ਵੇਲਾ ਹੈ ਤਾਂ ਕਿ ਤੁਹਾਡੇ ਲਈ ਲਾਭ ਤੁਹਾਡੇ ਇਸਤੇਮਾਲ ਕਰ ਸਕਣ ਤੋਂ ਪਹਿਲਾਂ ਜ਼ਮੀਨ ਤੇ ਨਹੀਂ ਗਿਰਾਏ ਜਾਣਗੇ।

ਅਧਿਆਇ 2

ਉਹ ਸ਼ਰਾਪ ਜੋ ਦਸਵੰਧ ਨਹੀਂ ਦੇਣ ਵਾਲਿਆਂ 
ਦਾ ਪਿੱਛਾ ਕਰਦੇ ਹਨ

ਦਸਵੰਧ ਨਹੀਂ ਦੇਣਾ ਕਈ ਹੋਰ ਸ਼ਰਾਪਾਂ ਨੂੰ ਕਿਰਿਆਸ਼ੀਲ ਕਰ ਦਿੰਦਾ ਹੈ। ਕਈ ਲੋਕ ਸੋਚਦੇ ਹਨ ਕਿ ਦਸਵੰਧ ਨਾ ਦੇਣਾ ਕੇਵਲ ਮਲਾਕੀ ਦਾ ਸ਼ਰਾਪ ਨੂੰ ਹੀ ਗਤੀਸ਼ੀਲ ਕਰਦਾ ਹੈ। ਪਰ ਦਸਵੰਧ ਨਹੀਂ ਦੇਣਾ ਮਲਾਕੀ ਦੇ ਸ਼ਰਾਪ ਨਾਲੋਂ ਬਹੁਤ ਜ਼ਿਆਦਾ ਸ਼ਰਾਪਾਂ ਨੂੰ ਗਤੀਸ਼ੀਲ ਕਰਦਾ ਹੈ। ਇਹ ਹੋਰ ਕਈ ਸ਼ਰਾਪਾਂ ਨੂੰ ਗਤੀਸ਼ੀਲ ਕਰਦਾ ਹੈ ਜਿਨ੍ਹਾਂ ਵਿੱਚ ਸਰਵਨਾਸ਼ ਕਰਨ ਵਾਲੇ ਪ੍ਰਭਾਵ ਹਨ ਅਤੇ ਇਸ ਅਧਿਆਇ ਵਿੱਚ ਇਸੇ ਦੇ ਵਿਸ਼ੇ ਵਿੱਚ ਸਭ ਕੁਝ ਹੈ?

ਸ਼ਰਾਪ ਕੀ ਹੈ? ਇੱਕ ਸ਼ਰਾਪ ਕਈ ਪ੍ਰਕਾਰ ਨਾਲ ਪਰਿਭਾਸ਼ਿਤ ਕੀਤਾ ਜਾ ਸਕਦਾ ਹੈ। ਸ਼ਰਾਪ ਦੀਆਂ ਇਹ ਬਾਰਾਂ ਪਰਿਭਾਸ਼ਾਵਾਂ ਤੁਹਾਨੂੰ ਇਹ ਸਮਝਾਉਣ ਵਿੱਚ ਸਹਾਇਤਾ ਕਰਨਗੀਆਂ ਕਿ ਖ਼ੁਦ ਸ਼ਰਾਪ ਦੇ ਅਧੀਨ ਹੋਣ ਦਾ ਅਰਥ ਕੀ ਹੈ। ਮੈਂ ਕਲਪਨਾ ਨਹੀਂ ਕਰ ਸਕਦਾ ਕਿ ਬਹੁਤ ਸਾਰੇ ਸ਼ਰਾਪਾਂ ਦੇ ਅਧੀਨ ਹੋਣ ਦਾ ਕੀ ਅਰਥ ਹੋਵੇਗਾ।

ਸ਼ਰਾਪ ਦੀਆਂ ਬਾਰਾਂ ਪਰਿਭਾਸ਼ਾਵਾਂ

1. ਸ਼ਰਾਪਿਤ ਵਿਅਕਤੀ ਉਹ ਹੈ ਜਿਹੜਾ ਲਗਾਤਾਰ ਨਿਰਾਸ਼ਾ ਦਾ ਅਨੁਭਵ ਕਰੇਗਾ।

2. ਸ਼ਰਾਪਿਤ ਵਿਅਕਤੀ ਉਹ ਹੈ ਜਿਹੜਾ ਹਰ ਗੱਲ ਵਿੱਚ ਪਿੱਛੇ ਅਤੇ ਥੱਲੇ ਹੈ।

3. ਸ਼ਰਾਪਿਤ ਵਿਅਕਤੀ ਉਹ ਹੈ ਜਿਸ ਤੇ ਇੱਕ ਵਿਸ਼ੇਸ਼ ਦੁਸ਼ਟਤਾ ਨੂੰ ਬੁਲਾਇਆ ਗਿਆ ਹੈ।

4. ਸ਼ਰਾਪਿਤ ਵਿਅਕਤੀ ਉਹ ਹੈ ਜਿਹੜਾ ਭੇਤ ਭਰੇ ਵਹਿਮ ਦੀਆਂ ਘਟਨਾਵਾਂ ਨਾਲ ਸਤਾਇਆ ਗਿਆ ਹੈ।

5. ਸ਼ਰਾਪਿਤ ਵਿਅਕਤੀ ਉਹ ਹੈ ਜਿਹੜਾ ਲਗਾਤਾਰ ਅਸਫ਼ਲ ਹੁੰਦਾ ਰਹਿੰਦਾ ਹੈ।

6. ਸ਼ਰਾਪਿਤ ਵਿਅਕਤੀ ਉਹ ਹੈ ਜਿਹੜਾ ਸਦਾ ਅਸਵੀਕਾਰਿਆ ਅਤੇ ਅਲੱਗ ਕਰ ਦਿੱਤਾ ਜਾਂਦਾ ਹੈ।

7. ਸ਼ਰਾਪਿਤ ਵਿਅਕਤੀ ਉਹ ਹੈ ਜਿਹੜਾ ਕਦੀ ਵੀ ਚੁਣਿਆ ਨਹੀਂ ਜਾਂਦਾ।

8. ਸ਼ਰਾਪਿਤ ਵਿਅਕਤੀ ਉਹ ਹੈ ਜਿਹੜਾ ਆਪਣੇ ਜੀਵਨ ਨੂੰ ਵਾਸਤਵਿਕ ਦਿਸ਼ਾ ਵਿੱਚ ਸਾਹਿਤਕ ਰੂਪ ਦੇਣ ਵਿੱਚ ਅਯੋਗ ਹੈ।

9. ਸ਼ਰਾਪਿਤ ਵਿਅਕਤੀ ਉਹ ਹੈ ਜੋ ਆਲੋਚਨਾਤਮਕ ਤੌਰ ਤੇ ਮਹੱਤਵਪੂਰਨ ਸੂਚਨਾਵਾਂ ਤੋਂ ਵਾਂਝਾ ਰਹਿੰਦਾ ਹੈ।

10. ਸ਼ਰਾਪਿਤ ਵਿਅਕਤੀ ਉਹ ਹੈ ਜਿਹੜਾ ਲਗਾਤਾਰ ਬੁਰੇ ਵਿਕੱਲਪਾਂ ਦੇ ਪ੍ਰਤੀ ਸਮਰਪਿਤ ਰਹਿੰਦਾ ਹੈ।

11. ਸ਼ਰਾਪਿਤ ਵਿਅਕਤੀ ਉਹ ਹੈ ਜਿਹੜਾ ਕੇਵਲ ਬੁਰੇ ਲੋਕਾਂ ਦਾ ਸਾਹਮਣਾ ਕਰਦਾ ਹੈ।

12. ਸ਼ਰਾਪਿਤ ਵਿਅਕਤੀ ਉਹ ਹੈ ਜਿਹੜਾ ਸਦਾ ਆਖ਼ੀਰ ਵਿੱਚ ਰਹਿੰਦਾ ਹੈ, ਅਤੇ ਹਾਰੇ ਹੋਇਆਂ ਦੇ ਵਾਂਗ ਅੰਤ ਕਰਦਾ ਹੈ ਇਸ ਨਾਲ ਕੋਈ ਅੰਤਰ ਨਹੀਂ ਪੈਂਦਾ ਕਿ ਉਸ ਨੇ ਆਰੰਭ ਕਿਵੇਂ ਕੀਤਾ ਸੀ।

ਅੱਠ ਸ਼ਰਾਪ ਜਿਹੜੇ ਦਸਵੰਧ ਨਹੀਂ ਦੇਣ 
ਵਾਲਿਆਂ ਦਾ ਪਿੱਛਾ ਕਰਦੇ ਹਨ

1. ਜੋ ਲੋਕ ਦਸਵੰਧ ਨਹੀਂ ਦਿੰਦੇ ਉਹ ਮਲਾਕੀ ਨਬੀ ਦੇ ਸ਼ਰਾਪਾਂ ਦੁਆਰਾ ਸ਼ਰਾਪਿਤ ਹਨ।

ਕੀ ਕੋਈ ਆਦਮੀ ਪਰਮੇਸ਼ੁਰ ਨੂੰ ਠੱਗੇਗਾ ? ਪਰ ਤੁਸਾਂ ਮੈਨੂੰ ਠੱਗ ਲਿਆ ਅਤੇ ਤੁਸੀਂ ਆਖਦੇ ਹੋ, ਕਿਹੜੀ ਗੱਲ ਵਿੱਚ ਅਸਾਂ ਤੈਨੂੰ ਠੱਗ ਲਿਆ? ਦਸਵੰਧਾਂ ਅਤੇ ਭੇਟਾਂ ਵਿੱਚ। ਤੁਸੀਂ ਸ਼ਰਾਪੀਆਂ ਦੇ ਸ਼ਰਾਪੀ ਹੋਏ। ਤੁਸੀਂ ਮੈਨੂੰ ਠੱਗਦੇ ਹੋ, ਸਗੋਂ ਸਾਰੀ ਕੌਮ ਵੀ।

ਮਲਾਕੀ 3:8-9

ਬਾਈਬਲ ਵਿੱਚ ਖਾਸ ਤੌਰ ਤੇ ਸ਼ਰਾਪਾਂ ਵਿੱਚੋਂ ਦਸਵੰਧ ਨਾ ਦੇਣ ਦੇ ਪ੍ਰਤੀ ਮਲਾਕੀ ਦਾ ਸ਼ਰਾਪ ਹੈ। ਇਸ ਸ਼ਰਾਪ ਵਿੱਚ ਖਾ ਜਾਣ ਵਾਲੇ ਨੂੰ ਛੱਡ ਜਾਣਾ, ਨਾਸ਼ ਕਰਨ ਵਾਲਾ ਅਤੇ ਤੁਹਾਡੇ ਜੀਵਨ ਵਿੱਚ ਅਸਫ਼ਲ ਵਾਢੀ ਸ਼ਾਮਿਲ ਹੈ। ਖਾ ਜਾਣ ਵਾਲੇ, ਨਾਸ਼ ਕਰਨ ਵਾਲੇ ਅਤੇ ਅਸਫ਼ਲ ਵਾਢੀ ਦੇ ਵਿਸ਼ੇ ਵਿੱਚ ਪਿੱਛਲੇ ਅਧਿਆਇ ਵਿੱਚ ਗੱਲਬਾਤ ਹੋ ਚੁੱਕੀ ਹੈ।

2. ਲੋਕ ਜਿਹੜੇ ਦਸਵੰਧ ਨਹੀਂ ਦਿੰਦੇ ਉਹ ਉਸ ਸ਼ਰਾਪ ਨਾਲ ਸ਼ਰਾਪਿਤ ਹਨ ਜੋ ਚੋਰਾਂ ਤੇ ਆਉਂਦਾ ਹੈ।

ਬਾਈਬਲ ਸਾਨੂੰ ਦੋ ਰੋਚਕ ਸ਼ਰਾਪਾਂ ਦੇ ਵਿਸ਼ੇ ਵਿੱਚ ਦੱਸਦੀ ਹੈ ਜੋ ਉਨ੍ਹਾਂ ਲੋਕਾਂ ਨਾਲ ਸੰਬੰਧਿਤ ਹਨ ਜੋ ਚੋਰੀ ਕਰਦੇ ਹਨ। ਇੱਕ ਸਧਾਰਨ ਸ਼ਰਾਪ ਹੈ ਜਿਸ ਦੀ ਘੋਸ਼ਣਾ ਪਰਮੇਸ਼ੁਰ ਨੇ