Ek het ’n swak vir rommelwinkels en loop baie moeilik verby. Al my lewe lank.
Soms sal ek ure vertoef, iets optel en neersit en wonder. Iets soos ’n skewe ou geelkoper-blompotjie wat ek op ’n stowwerige rak tussen ou ketels en stukkende broodroosters raakloop, sien ek klaar met ’n lief bossie sewejaartjies daarin op ’n sonnige vensterbank iewers in my huis.
Ek koop nie altyd nie, dis nie waaroor dit gaan nie.
