HOENDER MET TUISGEMAAKTE JALAPEÑO-SOUS
Dié rissiesous is baksous sowel as bykos. Dis heerlik geurig, eerder as skelwarm – proe self.
Genoeg vir 6 • Voorbereiding: 40 minute
Gaarmaaktyd: 1 uur en 20 minute
Oondtemperatuur: 180 °C
• 6 hoenderkwarte
• 1 blik (400 ml) klapperroom
• gestoomde rys vir voorsit
• vars koljander en lemmetjiesap (opsioneel)
JALAPEÑO-SOUS
• 10 ml olyfolie
• 1 klein ui, gekap
• 3 knoffelhuisies, heel
• 10 mediumgroot jalapeño-rissies, grofgekap
• 180 ml wit asyn
• 125 ml kookwater
• 30 ml suurlemoensap
• 3 ml sout
• 5 ml gedroogde origanum
• 10 ml suiker
• 2 ml komynsaad
• 3 ml swartpeper
• 30 ml gekapte vars koljander en ’n skeut lemmetjiesap (opsioneel)
1 Maak die sous Verhit die olie en braai die ui en die knoffel saam tot glansend. Voeg die res van die sousbestanddele, behalwe die vars koljander, by sodra die ui begin verkleur. Bring die sous tot kookpunt, laat prut vir 2 minute en verwyder van die hitte. Roer die koljander by en laat effens afkoel. Maak die sous fyn met ’n staafmenger (besluit self hoeveel tekstuur dit moet hê) en proe of dit dalk nog ’n knippie sout of peper kort. Die resep maak sowat 600 ml, maar jy gebruik net die helfte vir die oondhoender. Bêre die res in ’n gesteriliseerde fles in die yskas en gebruik dit binne 2 weke.
2 Vir die hoender Voorverhit die oond. Maak met ’n skerp mes 3 of 4 diep insnydings deur die vel in elke hoenderporsie. Geur met sout en peper en braai in ’n pan tot oraloor goudbruin. Rangskik die porsies in ’n diep oondbak, velkant na bo.
3 Skep ’n opgehoopte eetlepel jalapeño-sous op elke hoenderstuk en smeer dit oraloor met die agterkant van die lepel om seker te maak dit gaan in al die insnydings. Giet die klapperroom in die oondbak en bak die hoender vir 40 minute of tot smeltsag en mooi bruin. Sit voor met baie gestoomde rys om al die heerlike sous te geniet. ’n Strooisel vars koljander en ’n skeutjie vars lemmetjiesap is opsionele ekstras.
Stap vir stap
STAMPMIELIE-ENHOENDERPAELLA
Moenie skrik vir die lang gaarmaaktyd nie – sodra die stampmielies gaar is, is die res gou en maklik.
Genoeg vir 8 • Voorbereiding: 1 uur, plus weektyd oornag • Gaarmaaktyd: 2½ uur
• 500 g stampmielies-en-bone, oornag in water geweek
• 16 hoenderboudjies
• 45 ml olyfolie
• 1 ml gerookte paprika
• sout en varsgemaalde swartpeper na smaak
• 1 chorizo (180 g), gesny
• 2 uie, gekap
• 30 ml tamatiepasta
• 500 ml hoenderaftreksel
• 2 lourierblare
• Maldon-sout na smaak
• 60 ml gekapte platblaarpietersielie
• vars suurlemoensap
1 Kook die geweekte stampmielies-en-bone in skoon water tot net-net sag (net meer as 1 uur).
2 Meng die hoender met 15 ml van die olyfolie, die gerookte paprika en ’n ruim skeut sout en peper. Braai oor matige kole tot die hoender goudbruin en so te sê gaar is.
3 Verhit intussen die res van die olie in ’n groot platboompot of paellapan en braai die chorizo stadig tot bros. Skep uit, maar behou die geurige olie. Braai die uie tot sag en glansend in die olie. Roer die bros chorizo en tamatiepasta by en braai nog ’n paar minute.
WENK Voeg ’n knippie suiker by as jy die suur wil temper.
4 Roer die gaar stampmielies-en-bone en die lourierblare by en rangskik die gebraaide hoender in ’n laag bo-op; giet die aftreksel oor. Laat prut stadig vir 20-30 minute of tot die geure goed ontwikkel het en die meeste van die aftreksel geabsorbeer is. Geur met ’n laaste strooisel Maldon-soutvlokkies, strooi die pietersielie oor en sit voor met vars suurlemoensap na smaak.
Stap vir stap
DUBBELGEBRAAIDE HOENDERVLERKIES
Braai jou vlerkies twee keer in olie, dan behou hulle hul bros buitelagie wanneer jy dit in ’n pikante sousie doop.
Maak 32 happies
Voorbereiding: 35