Oondgeroosterde hoender met suurlemoen-en kruiebotter
My geheim vir goudbruin, bros hoendervel is gegeurde botter wat ek in die hoender se vel invryf. Daarna word ’n mildelike lagie seesout en swartpeper oor die gebotterde vel gesprinkel.
• 1 groot skrophoender, skoongemaak en oortollige vet verwyder
• 1 groot suurlemoen, skil fyn afgerasper
• 125 g sagte botter
• 4 knoffelhuisies, baie fyn gekap
• 20 ml vars kruie van jou keuse, baie fyn gekap
• Seesout en varsgemaalde swartpeper na smaak
Voorverhit die oond tot 200 °C. Druk die hoender droog en geur die binneholte mildelik met sout. Sny die suurlemoen, waarvan die skil afgerasper is, in wiggies. Druk die suurlemoenwiggies in die binneholte van die hoender en bind die hoender se pote met tou vas. Klop die botter, knoffel, kruie en suurlemoenskil goed saam. Vryf die gegeurde botter mildelik oor die hele hoender in en geur daarna goed met sout en peper. Sit die hoender in ’n oondbak en oondrooster vir 30 minute. Haal uit die oond, bedek die hoender met foelie en verlaag die oondtemperatuur tot 160 °C. Oondrooster vir nóg 60 minute tot die hoender deurgaar en sag is. Haal die foelie af en skep van die pansouse oor die hoender. Verhit die oond se roosterelement en oondrooster die hoender vir ’n paar minute om dit ’n diep goudbruin kleur te gee. Sit voor met aartappels en slaai. Lewer 6 porsies.
Gemarineerde peri-perihoender
• 1,5 kg hoenderporsies
MARINADE
• 8 knoffelhuisies
• 3 rooi brandrissies, grofgekap
• Sap en fyngerasperde skil van
1 groot suurlemoen
• 125 ml kookolie
• 30 ml gerookte paprika
• Sout en swartpeper na smaak
• Gekapte vars pietersielie
Sit die hoenderporsies in ’n groot verseëlbare plastieksak. Verwerk alles vir die marinade in ’n voedselverwerker tot ’n gladde sous. Giet dit oor die hoenderporsies in die sak. Druk soveel lug moontlik uit die sak en verseël die sak lugdig. Laat marineer die hoender vir minstens 4 uur, maar verkieslik oornag, in die yskas.
Voorverhit die oond tot 190 °C. Keer die hoender en marinade uit in ’n oondbak waarin die hoenderporsies gemaklik in ’n enkellaag pas, met ruimte tussen die porsies. Geur weer met sout en peper. Bedek met foelie en bak vir 30 minute. Haal die foelie af, bedruip die hoenderporsies met van die sous in die bak, en bak vir nog 30 minute tot die hoender gaar en goudbruin en die marinade afgekook is. Sprinkel gekapte pietersielie oor en sit voor. Lewer 6 porsies.
Suurlemoenbotterhoender
• 8 hoenderporsies
• Sout en varsgemaalde swartpeper na smaak
• 30 ml olie
BOTTERSOUS
• 60 g sagte botter• Sap en fyngerasperde skil van1 groot suurlemoen• 30 ml• 5 ml vars gemmer, gerasper• 3-4 vars suurlemoenwiggies• Gesnipperde stingeluie, om af te rond
