DIT is skuins ná halfsewe op ’n herfsoggend, en buite is die Oos-Vrystaatse lug steeds ’n skakering van sagte oranje.
Die vier swemmers het egter nie tyd om die daeraad te bewonder nie. Hulle het reeds hul plek op die wegspringblokke ingeneem en kyk afwagtend na Anell Landmann waar sy op ’n groot balkon staan. Aan die verste kant van die swembad wag hul ander afrigter, AJ, met ’n stophorlosie in sy hand.
Anell blaas op haar fluitjie en Natalie (22), Ramon (20), Julie (17) en Armand (15) duik in. Vanoggend gaan hulle spoedoefeninge in die water doen tot agtuur, waarna hulle op daardie einste balkon ontbyt gaan eet. Almal saam, soos dit ’n gesin betaam …
Want dis presies wat hulle is. Vier broers