“Wat is ’n gelukkige lewe? Hoe lyk dit?” vra Esther Perel, ’n Belgies-Amerikaanse psigoterapeut, skrywer en kenner op die gebied van menslike interaksie. Sy sê: “Om gelukkig te wees het deesdae ’n verwagting geword. Jy móét gelukkig wees, is die boodskap wat ons heeltyd kry. Vra jy Westerse ouers wat hulle vir hul kinders wil hê, sê die meeste hul kinders moet gelukkig wees. Wat het geword van gesondheid, oorlewing en om goeie mense te wees? Watter druk plaas dit op kinders en ouers? Ek dink hoe meer ons die idee het dat ons gelukkig móét wees, hoe meer ongelukkigheid skep dit.”
Ons leef met ’n spektrum van emosies, sê Perel. “En soms is bekommernis die emosie wat op daardie oomblik en onder daardie omstandighede gepas is. So ook lyding, maar as ons deesdae in pyn is of ly, is dit baie maklik om in selfblaam te verval, want jy wonder dan wat fout is met jou.”
Die Duits gebore skrywer en spiritualis Eckhart Tolle sê mense dink gebeurtenisse maak