21 wenke vir WOEMA
Ons het ’n paar eenvoudige voelgoedwenke en lewenslesse opgespoor wat jou weer nuwe woema sal gee en hopelik ’n huppel in jou stap sal sit.
1 EET GESOND
Bianca Tromp, ’n dieetkundige by die Harten-beroerte-stigting van Suid-Afrika, sê: “Kies soveel gesonde opsies as moontlik, want as jy die dag iets ongesonds eet, hoef jy nie skuldig daaroor te voel nie. Bederfkos is gemaak om te geniet en dis net ’n probleem as dit ’n daaglikse gewoonte raak. Kies jou gunstelingbederfkos en sluit dit een keer per week in jou dieet in, skuldvry!”
2 KYK ANDERS NA KOS
Bianca sê kos voorsien ons van al die noodsaaklike voedingstowwe om ’n gesonde, energieke liggaam te onderhou. In plaas daarvan om te fokus op hoe sekere kosse jou gewig gaan affekteer, dink eerder aan kos ten opsigte van hoe dit jou energievlakke en voedingstofinname gaan beïnvloed. “Só word dit ’n prioriteit om in al jou liggaam se voedingstofbehoeftes te voorsien en is dit maklik om
