Het jy al probeer om ’n doodse moegheid te oorkom met ’n lang nagrus – net om meer uitgeput te voel? Hier is die rede: Rus bestaan uit meer as net slaap, hoewel ons dikwels die twee in dieselfde asem gebruik, sê dr. Saundra Dalton-Smith, mediese dokter en skrywer van Sacred Rest: Recover Your Life, Renew Your Energy, Restore Your Sanity (FaithWords), in ’n TED-praatjie.
“Menslike gedrag is veelsydig, kompleks en holisties – en bestaan uit baie dele. Só is dit ook met rus . . . Dis nie net een enkele ding nie, maar ’n kombinasie,” beaam dr. Annemarie Lombard, stigter van Sensory Intelligence® en kenner en pionier van sensoriese prosessering vir beter geestesgesondheid, welstand en produktiwiteit.
Dr. Dalton-Smith onderskei sewe soorte rus wat jy nodig het. Identifiseer die areas waar jou “emmer” leeg is – en besluit hoe jy daardie energie kan aanvul.
1 Fisieke rus
Fisieke rus kan passief of aktief wees, verduidelik dr. Dalton-Smith. Passief sluit slaap en sitslaap in. Die aktiewe soort bestaan uit dinge soos joga, strek en masseerterapie om jou liggaam se sirkulasie
