t – teelepel/s e – eetlepel/s k – koppie/s
AARTAPPELWIGGIES met SESAMSAAD
GENOEG VIR 4 MENSE / BEREIDING: 15 MIN. GAARMAAK: 25 MIN.
Hierdie geurige aartappels is perfek om saam met braaivleis of selfs pangebraaide vis voor te sit.
◗ 15 ml (1 e) olie
◗ 5 ml (1 t) fyn koljander
◗ 5 ml (1 t) paprika
◗ 5-10 ml (1-2 t) komynsaad
◗ 30 ml (2 e) sesamsaad
◗ 30 ml (2 e) botter
◗ 3 knoffelhuisies, fyngedruk
◗ 700 g aartappels, gekook en in dik wiggies gesny (dis nie nodig om dit te skil nie)
◗ sout, na smaak
VIR VOORSIT
◗ vars koljanderblare
◗ suurlemoenskyfies
1 Verhit die olie in ’n pan en roerbraai die speserye en sesamsaad ’n paar minute tot geurig.
2 Voeg die botter en knoffel by en roerbraai nog ’n paar minute.
3 Meng die gaar aartappelwiggies versigtig deur tot dit goed met die speserymengsel bedek en deurwarm is. Geur met die sout.
4 Vir voorsit Strooi die koljanderblare oor en sit die aartappels voor saam met die suurlemoenskyfies.
AARTAPPELTJIES met KOMKOMMER-PIEKEL
GENOEG VIR 4 MENSE / BEREIDING: 20 MIN. GAARMAAK: 50
