DEENSE hawermout-&-heuning-VOLKORINGBROOD
LEWER 1 X 20 CM RONDE BROOD / BEREIDING EN BAK: 2½ UUR
◗ 250 ml (1 k) laevetmelk, plus 15 ml (1 e) ekstra vir verf
◗ 125 ml (½ k) water
◗ 20 g geroosterde melkpoeier (sien wenk)
◗ 45 ml (3 e) botter
◗ 30 ml (2 e) heuning
◗ 90 g gerolde hawermout, plus ekstra vir bolaag
◗ 225 g klipgemaalde witbroodmeel
◗ 150 g klipgemaalde volkoringmeel
◗ 35 g rogmeel
◗ 5 ml (1 t) fyn sout
◗ 10 ml (7 g) droë kitsgis
Plaas die melk, water, geroosterde melkpoeier, botter en heuning in ’n klein kastrol. Verhit tot die botter gesmelt het. Voeg die hawermout by en roer tot gemeng. Verwyder van die hitte en laat afkoel. Voeg die witbrood-, volkoring-en rogmeel en die sout en gis in die bak van ’n staanmenger. Klits ’n kort rukkie tot gemeng. Wanneer die melkmengsel kamertemperatuur is, voeg by die droë bestanddele. Verwerk met die deeghaak op matig lae spoed tot gemeng en knie dan 6-8 min. Skraap die deeg in ’n bak wat liggies met olie gesmeer is, bedek en laat rys 60-90 min. tot die grootte verdubbel het. Smeer ’n 20 cmronde koekpan met botter en voer dit met bakpapier uit. Keer die deeg uit op ’n oppervlak wat liggies met meel bestrooi is.