BIBI en die Babbels, Paloeka die leeu en Palawa die kameelperd, is in die Babbelboomhuis.
Hulle speel met opwenkarretjies.
“Hier kom hy! Bibi, is jy gereed?” vra Palawa en trek die karretjie terug. Die geel speelgoedkar blits oor die tafel en skiet deur die lug.
“Oe, dis vinnig,” sê Bibi terwyl sy probeer om die karretjie met die snippermandjie te vang.
“My beurt, my beurt!” roep Paloeka opgewonde. “Ek is vandag die groen karretjie,” kondig hy aan en sit die karretjie op die