PALOEKA die leeu sit in die Babbelboomhuis. Hy het ’n frons op sy gesig en lyk diep bekommerd.
“Wat is fout, Paloeka?” vra sy vriendin Bibi. “En wat maak jy met daardie geel kaartjies?”
“Ek het ook daaroor gewonder,” sê Palawa die kameelperd.
“Ek moet my toespraak op hierdie papiertjies skryf,” sê Paloeka. “Die tema is: My gunstelingdier. Maar ek weet glad nie waaroor ek gaan skryf nie. Julle moet my asseblief help,” sê hy.
“Hoekom skryf jy nie oor hadidas nie?” stel Palawa voor.
“Hulle is te lawaaierig,” sê Paloeka.
“Skryf oor slakke,” sê Palawa.
“Te slymerig,” sê Paloeka.
“Bobbejane!” roep Palawa
