Jongboer 7
Dit is nie lekker om te sien hoe die platteland ontvolk nie, maar die jong boere wat terugkom Karoo toe, doen moeite om van mekaar te leer, mekaar te ondersteun en volhoubaar te boer en te leef.
Dít, die geleentheid om sy kinders ’n plaaslewe te bied en die rus en vrede van die Karoo is wat boerdery vir Hendrik Cloete (34) van die plase Rondom en Lushof by Loxton die moeite werd maak.
“Ons jong boere is daar vir mekaar en ons ondersteun mekaar in droogte en ongelukke. Ons staan bankvas agter mekaar. Jy gaan dit op min plekke soos hier kry.”
Hendrik was aan die skeer tydens Landbouweekblad se besoek. Die sterkte van sy Merino’s se wol is gemiddeld 19 mikron.
“Ons mik vir medium- tot fynwol. Daar is ’n groot prysverskil tussen fyn- en sterkwol, maar ons wil nie die wol té fyn hê hier nie. Wanneer veseldikte onder 18 mikron gaan en jy het ’n effense droogte wat die skape laat swaarkry, kry jy maklik breekwol. In die Suid-Kaap, waar boere beter beheer oor die weiding kan uitoefen, kan hulle fyner wol produseer.”
Afrikaner-koggelramme laat ooie superovuleer
Hy het ook ’n klein “sytak” Afrikaners wat hy as koggelramme gebruik en verkoop.
“Afrikaner-wol besmet