Bennie speel in die sand onder die wasgoedlyn terwyl sy ma wasgoed ophang. Dis ‘n warm dag en haar spierwit lakens vorm ‘n beskutting teen die bloedig warme son. Hy lê halfpad in die skadu op sy magie en rondkrap in die rooi grond.
Plek-plek waar die grond nat is van die druppels water wat afgerol het aarde toe, kan hy maklik die klam grond omskoffel. Skielik voel hy iets groter as ‘n klippie in sy een hand, wat geleidelik oopgaan om dié voorwerp te onthul.
Hy kyk daarna, maar weet nie wat dit is nie.
Bennie trek met sy ander hand se vingertjies daaroor voor hy uitroep na sy ma wat besig is om sy pa se vaal broek vas te pen. Die lyn boog na onder van al die wasgoed wat daaraan hang.
“Ma! Mammie!” roep hy uit. “Wat is dié?” vra hy en hou die voorwerp in die lug sodat sy dit kan sien.