t – teelepel/s e – eetlepel/s k – koppie/s
VARKNEKSTEAKS met KLEWERIGE PERSKEBRAAISOUS en NEKTARIENSALSA
GENOEG VIR 4-6 MENSE /BEREIDING: 30 MIN. /GAARMAAK: 45 MIN.
Perskes en varkvleis is ideale pasmaats. Hierdie braaisous is nie net lekker op varksteaks nie; dit kan selfs vir varkribbetjies, kebabs of hoender gebruik word.
BRAAISOUS
◗ 2 uie, in kwarte gesny
◗ 1 heel knoffelbol
◗ 15 ml (1 e) olyfolie
◗ 4 perskes (verskillende soorte), geskil, ontpit en in blokkies gesny
◗ 125 ml (½ k) tamatiesous
◗ 60 ml (¼ k) heuning of ligbruinsuiker
◗ 45 ml (3 e) worcestersous
◗ 30 ml (2 e) sojasous
◗ 30 ml (2 e) wit asyn
◗ 5 ml (1 t) vyfspeseryemengsel
VARKSTEAKS
◗ 4-6 varkneksteaks (ontbeende varknektjops)
◗ sout en vars gemaalde swartpeper
◗ ’n bietjie olyfolie
SALSA
◗ 2 nektariens, in blokkies gesny
◗ 2 stingeluie, gekap
◗ ½ komkommer, in blokkies gesny
◗ 15 ml (1 e) olyfolie
◗ ’n skeut suurlemoensap
◗ ’n knippie sout
VIR VOORSIT
◗ aartappelwiggies
Voorverhit die oond tot 180 °C. Hou ’n bakplaat en ’n vel foelie byderhand. Bespuit nog ’n bakplaat goed met kossproei.
Sit die vel foelie op die bakplaat en versprei die uiewiggies daarop. Pak die knoffelbol tussen die uie en drup die helfte van die olie oor. Vou die uie en knoffel toe in die foelie Verhit die res van die olie in ’n diep kastrol. Voeg die uiewiggies en perskes by en braai 5 min. oor lae hitte. Skep die mengsel uit die kastrol en pols fyn met ’n staafmenger. Hou eenkant. Smeer die steaks ruimskoots met die braaisous en braai 2-3 min. Draai die steaks om, smeer weer ruimskoots met die sous en braai nog 2-3 min. of tot gaar soos verkies. Sit die steaks voor saam met die salsa en warm aartappelwiggies. Bêre die braaisous wat oorbly in die yskas vir tot ’n week.