‘DIS ’n kuns. Kyk hoe majestueus is hulle. Met ’n whiskey in die hand kan ek ure lank sit en hulle dophou. Dis my raad. Bring tyd deur saam met jou vis.
Gesonde koi is altyd aan die beweeg. As iets fout is, is daar tekens. Lê hulle teen die bodem met hulle vinne styf teen hulle lyf? Skuur hulle teen die kante? Lyk dit of hulle na asem snak? Dan’s iets fout. Jy moet uitvind wat.
Mens moet jouself leer om ’n chemikus en ’n ingenieur te wees om die kwaliteit van jou water reg te hê vir dié stokperdjie. Kyk hier, ek vat skraap van hulle kiewe en