Musikant. Vermaaklikheidster. Akademikus. Pastoor. Vervaardiger. Liedjieskrywer… Anslin Gysman is nét 28 jaar oud, maar hy dra ál hierdie hoede.
Ons lag gereeld vir sy skreeusnaakse video's op sosiale media (met sy gunstelingsêding, “geweldig”), word bekoor deur sy mooi, sterk sangstem en geïnspireer deur sy bemoedigende woorde. Maar wie ís hy?
Anslin het grootgeword in Klipfontein, ’n klein sendingstasie in Philippi in die Kaap. Dié ouboet van vier broers en ‘n suster het by sy ouma Lilly January en nog familielede in ’n huis vol liefde opgegroei. “Weens destydse omstandighede kon ek nie deur my ouers grootgemaak word nie. My ouma het uit haar werk by Alnet getree sodat sy vir my kon sorg,” vertel hy.
“Ek is grootgemaak in ’n huis met baie min hulpbronne,